Inbumna lakah hna zawngte fimkhu turin police-in chah

Mizoram Police chuan phailama hnathawh tuma hna zawngte hriat turin thurawn a siam.
Tunhnaiah Delhi leh a chhehvelah hna leh sum kaihhnawiha inbumna a hluar hle tih sawiin, Delhi Mizo Zirlai Pawl pawhin kumin January 30 khan mipui hnenah thurawn an lo pe tawh tih sawiin, ‘Hetiang inbumnaah hian Mizo thalaite an inhnamhnawih tih hriat a ni a. Hna tak tak hmuh hmain hna diltuten cheng nuai 1 atanga nuai 2 inkar an pek lawk a ngai thin. An thawhna tura an sawi chu company pangngai tak ang thei turin ruahmanna pawh siam thin niin, Mizo thalai lehkha thiam hna zawng mekte an bitum nia hriat a ni,’ police thuchhuah chuan a ti.
Hna hmuh hma hauha sum pek ngai, mahni sum dinhmun hrilh ngai leh hna thawk mumal si loa hlawh sang tak pek tiamtute hrechiang hmasa a, awihawm loh tak hna zawrhtute hrechiang turin mipui an chah a ni.