India-ah river cruise tourism a thang chak

India-ah river cruise tourism a thang chak
India-a lui liana lawnga zin khawthawnna chuan chak takin than lam a pan a, hei hi sorkarin kalphung thar a duan te, a hmanrua tihchangtlun leh khawvel huapa hetiang lam buaipuiten an ngaihven tan vanga puh a ni.
Kum 2024-25 chhung khan National Waterways-a zin hi vawi 443 awmin a hma kuma 371 zin chhuah awm aiin 19.4%-in a tam zawk a. Hei hi India-in a ram chhung tuia khualzin hipna kawng a dapah hmasawnna a nei tih tihlannaa ngaih a ni.
Inland Waterways Authority of India (IWAI) hi India-a luia zin khawthawn uar tharna atana thawhhlawk ber a ni a. Kum 2017-ah phei chuan Cruise Bharat Mission an tih hnuaiah state 14 leh union territory pathuma National Waterway 47-ah luia zin tur lawng thar 51 neih hman a tum.
Hmasawnna lian tak awm chu Viking Cruises-in India a lut tur hi a ni a, mi 80 chuan theihna Viking Brahmaputra an kaltir dawn a, hei hi Hooghly Cochin Shipyard Limited, Kolkata-a sak tur a ni nghe nghe.
Kum 2027 tawp lamah National Waterway-2 (Brahmaputra River)-ah zin hman tura ruahman niin ram dang atanga luia zinnaa inseng tur mi dang pawh a hip ngei beisei a ni.
Kum 2013-14 khan India-ah hian tuikawng pathumah lawng panga chauh a la zin a, 2024-25-ah chuan tuikawng 13-ah lawng 25 zin tawhin a pung zel dawn a ni.
India-a national waterway zingah Sundarbans, West Bengal; Brahmaputra, Assam leh Alappuzha, Kerala te chu tun hnaia khualzin tam zualna a ni.
Luia zinnaa India hlawhtlinna lian ber pakhat chu MV Ganga Vilas zin a ni a, hei hi khawvela luia lawng zin thui ber niin Indian state panga bakah Bangladesh tlawh telin km 3,200 vel a zin a. Prime Minister Narendra Modi-a’n kum 2023-a a vai liam kha niin Limca Book of Records-ah pawh a chuang a ni.
Luia zinna tihhmasawn zelna tur hian IWAI chu state sorkarte nen an thawk ho zel a. Tun hnaiah Gujarat, Madhya Pradesh, Delhi leh Jammu & Kashmir sorkar nen heng hmuna lui – Narmada, Yamuna, Jhelum, Ravi leh Chenab-ah zinna turin memorandum of Understanding (MoU) an ziak nghe nghe.
Cruise terminal atan Varanasi, Guwahati, Patna leh Kolkata ruahman a nih bakah hmarchhakah Silghat, Biswanath Ghat, Neamati leh Guijan-ah terminal hi siam tuma ruahmanna a awm bawk.
Lui liana lawng hmanga zinnaah hian a chuang mi 5,00,000 atangin maktaduai 1.5 tlintir tumin Cruise Bharat Mission hian hma a la a. Khuarel thil tibuai lo zawng leh India-in nun leh khawsak phung chi hrang hrang a neihte chu zin mite hip nana hmang chungin hma a la mek a ni.