India aiawiha fehchhuak Nupuii

India aiawiha fehchhuak
Nupuii
April ni 12-17, 2026 chhunga Taskent, Uzbekistan-a khelh mek World Junior Taekwondo Championship-ah India aiawhin Zemabawk nula Vanlalthlamuanpuii (Nupuii) chuan India ai a awh dawn.
Nupuii hian India team-a tel tur hian February thla khan selection hmasa hautak zet 2nd Federation Cup Championship hmachhawnin gold medal a la a, final selection khel turin a in pet tling.
March ni 13-14, 2026 khan Haryana-ah final selection hmachhawn zui lehin, tah hian a tumpui zawng zawng a hneh leh vek bawk a, India tana khel thei a nihzia chiang taka a lantir hnuin Kyorugi Under 55 kg category-a khel turin India squad a zawm ta a ni.
Mizoram Champion of Champions 2023-24 title lo la tawh Nupuii hian India tan vawiin, April ni 13 hian a match hmasaber a khel dawn a round of 64 atangin bul a tan ang.
India team hi Kyourgi khel tur mipa 10 leh hmeichhia 10 niin, Poomsae lama inlan tur player pakua an ni a, Nupuii hi Mizo awmchhun a ni.