Tun season Indian Premier League-a Sunrisers Hyderabad pahnihna nihpuitu Australia Test and one-day international captain Pat Cummins chuan Hyderabad chhuahsanin Major League Cricket (MLC) club San Francisco Unicorns a zawm fel.
Kum 31 mi hian Australia tan United States leh West Indies lamah T20 World Cup a khel mek a, a cham mekna United States-ah chuan MLC khel turin kum li daih contract a ziak a, tun season atanga kum 2027 thleng San Francisco club tan hian a khel dawn a ni.
A club thar tur squad-ah hian New Zealand fast bowler Matt Henry leh Pakistan player Haris Rauf pawh hmuh tur an awm.
Cummins-a chipui Australian ve bawk dang rualkhat Steve Smith, Travis Head leh Glenn Maxwell-te pawhin US lama an tualchhung professional Twenty20 cricket league lian leh hmui MLC khel turin Washington Freedom-ah contract an ziak fel ve tawh hlawm bawk. 2024 MLC season hi July ni 5 atanga khelh tan tur a ni.
India atangin Cummins inpuchhuak
Get real time updates directly on you device, subscribe now.