India beihnaa inhnamhnawih LeT firfiak kap hlum
Lashkar-e-Taiba (LeT) firfiak pawla inhmang nasa tak, kum 2006-a Nagpur, Madhya Pradesh-a Rashtriya Swayamsevak Sangh (RSS) headquarters beihnaa inhnamhnawih nia hriat, Abu Saifullah tia koh, Rajullah Nizamani chu Pakistan-a Sindh-ah kah hlum a ni.
Saifullah thattute hi tute nge an nih hriat a la ni lo.
Nepal-a LeT pawla inhmang nasa tak niin sum khawih, an pawla tel tur lak leh hmunhma kawhhmuha thawn kual thin a nia sawi a ni a. India-a mi firfiakte luh theihna tur ngaihtuahtu leh sum pawh tuaktua sawi a ni bawk.
Saifullah-a hi LeT operational commander, Babaji tia an koh, Azam Cheema-a thawhpui hnai tak a ni a. RSS hmun beihna bakah hian Rampur-a CRPF camp beihna leh IISC Bangalore beihnaah pawh inhnamhnawih nia hriat a ni bawk.
Saifullah-a hi India-in Operation Sindoor kalpuia Pakistan leh Pakistan-in a awp Kashmir-a firfiak hmunte May 7-a an kah hnu lawkah thah a ni.
India-in mi firfiakte a beihnaah hian 100 vel an thi niin a sawi a, beihna hi army, navy leh air force te tih a ni.
Thi zingah hian Jaish-e-Mohammed leh LeT firfiak pawla tel mi panga an tel a. Abu Jundal tia hriat, Mudassar Khadian Khas; Maulana Masood Azhar-a nuphalpa, Hafiz Muhammed Jameel; Mohammad Yusuf Azhar; Abu Akasha tia koh, Khalid leh Mohammad Hassan Khan te an ni.
April 22-a India awp Kashmir-a khualzinte tlawh thin hmun, Pahalgam-a mi firfiakte chetnaah khan mi 26 an thi a, hemi hnua India-in Pakistan leh an awp chin Kashmir a kahnaah mi firfiak hmun khua a kap chhia.
A hnuah Pakistan hian Indian civil mi leh sipai hmunte a bei zui a, Indian sipaiten kap lehin Pakistan-a sipai tumhmunte pawh a kap chhe leh.
India beihnaa inhnamhnawih LeT firfiak kap hlum
Get real time updates directly on you device, subscribe now.