India district 85% dinhmun duhawm lovah

India-a district 85% vel te chu extreme climate events heng tuilian, khawkheng leh cyclone te nasa taka tuar thei dinhmuna ding a ni tiin zirchianna thar ber chuan a tarlang a.
IPE Global leh Esri India tena zirchianna an neihah district 45% te chu ‘swapping’ trend tih mai tuilen awlsam theihna te khawkheng in a tlakbuak theihna leh chutiang bawkin khawkhen theihna hmun tuilianin a chim theihna a nih thu an sawi bawk.
Penta-decadal analysis an neihah zirchianna chuan kum 1973 atanga 2023 inkar chhungin kum 50 chhung zeta thil thleng chu zirchianna an neih thu an sawi bawk a.
Tun hnai kum sawm kalta chhung khan climate extreme chu a let ngain a pung a, extreme flood events a let liin a pung bawk tiin tarlan a ni bawk a.
Eastern India district te chu tuilian nasa thlen theihna nasa ber niin northeastern leh southern parts ten an zui tia tarlan a ni bawk.
Zirchianna chuan khawkheng pawh a let hnihin a pung a, a bik takin agricultural leh meteorological droughts a nasa a, cyclone events pawh a let li in a pung tiin tarlan a ni bawk.
Bihar, Andhra Pradesh, Odisha, Gujarat, Rajasthan, Uttarakhand, Himachal Pradesh, Maharashtra, Uttar Pradesh leh Assam a district 60% te chuan extreme climate event pakhat tal an tawng ziah tiin tarlan a ni bawk.
Abinash Mohanty — head of climate change and sustainability practice, IPE Global leh study’s author ni bawk chuan, “Tuna climate extreme chhiatna nasa tak thlen thleng mek thin hian Indians 10 zela pakua chu extreme climate events tuarin a dah a, heng te hi tun hnai kum zabi kaltaa temperature 0.6 degree Celsius-a a san belh vang a ni” a ti a.
“Tun hnai lawkah Kerala-ah ruahsur nasa uchuak avangin leimin turu tak a thleng a, Gujarat-ah tuilian a thleng a, Om Parvat vurin a khuh tawh lo va, khawpui lian te chu ruahsur turu thut thut avangin an tal buai nasa thei hle tawh bawk a. Kan zirchianna ang chuan kum 2036-ah chuan Indians 1.47 billions te chuan climate extreme an tawk dawn a ni,” tiin a sawi.
Zirchianna chuan India rama district 45% te chuan swapping trend an tawng mek tia sawiin tuilen nasat thinna te chu khawkhenna hmun leh khawkhenna hmun thin te chu tuilen awlsamnaah a chhuak mek tiin a sawi bawk.
District tam tak tuilian nasa tuar thin te chuan khawkheng nasa an tuar mek tawh a, chutiang bawkin khawkhen nasatna hmun te chu tuilian tuar nasa ber berah an awm tawh a ni a ti bawk a. Swapping trend hi a bik takin Tripura, Kerala, Bihar, Punjab leh Jharkhand state ah te a nasa zual tiin tarlan a ni bawk.
Zirchianna chuan Climate Risk Observatory din ngei ni se tiin chumi hmang chuan risk-infomred decision-making toolkit te policy siamtu national, state, district leh city level te chuan national Resilience Programme hnuaiah an siam thei ang a, hei bakah hian climate-resilient critical infrastructure te siam a nih theih nan Infrastructure Climate Fund siam ni se an ti bawk.
Ashwajit Singh, founder and managing director of IPE Global chuan, “Climate goal tihlawhtling tur chuan India chuan a budget focus chu mitigation atangin adaptation-ah a leh a ngai a. Tuna kalpui dan mek hi chuan climate resilience a pawh lo va, chu chuan long-term sustainability awm tur a hlah thei a ni. India hian climate impact avangin kum 2022 khan GDP 8% chanin cumulative capital wealth pawh 7.5% in a tlahniam” tiin a sawi bawk.
Agendra Kumar, Esri India managing director pawhin heat waves thleng zing leh na tial tial chuan mihring nunna, nunphung leh infrastructure-ah nghawng na tak a nei mek tiin a sawi bawk.