Northeast ah tourism lama hmasawnna chak

Investment climate tha leh hel pawl tlahniam zelah five-star hotel group te chuan Northeast a major urban centres pathum te bakah inbun belh zel tumin hma an la mek a.
Guwahati chu northeast commercial and connectivity hub ni mek niin 5-star facility nei pahnih awmna a ni a, a dang pakhat sak mek a ni bawk a. Meghalaya capital Shillong chuan luxury hotel pahnih neiin Tripura capital Agartala leh Arunachal Pradesh a Tawang in pakhat ve ve an nei bawk.
May 11 khan Assam Tourism Minister Jayanta Malla Baruah chuan Kaziranga National Park leh Tiger Reserve chhehvelah luxury hotel pathum sak mek a ni tia sawiin heng zinga pakhat Ingle Pathar farmland 19 acre a zaua din mek erawh saiin a tlawh fo leh hemi chhehvel khuaa mi tena an dodal a ni thung.
“Industry te chuan Northeast market chu a tah tiin nasa zawka kalpui zel an duh a. Guwahati ah property neih belha Shillong leh Kaziranga-ah pawh inbun belh kan tum a ni” tiin Nathan Andrews, hospitaloty business head of DS Group, Radisson Hotels chain India rama enkawltute chuan a sawi a.
“Guwahati, Shillong leh Kaziranga piahlam helai region hmun hrang hrangah pawh high-end hotels din duhna sang tak awmin a pawimawh ber chu a hmun tha neih a ni” tiin Andrews chuan a sawi bawk.
5-star hotel group Marriott leh Vivanta executives te pawhin Centre in Act East Policy a kalpui chuan northeast chu beiseiawmin a siam an ti bawk a. A bik takin Assam chu kum sawm vel kaltaa firfiakna hmun a nihna atangin sumdawnna hmunpuiah a chhuak tawh a ni an ti bawk.
Northeast ah extremist group tam ber te United Liberation Front of Asom (Independent) leh Meghalaya a Hynniewtrep National Liberation Council te tih loh chu inkahhai kalpui mek an ni hlawm a. National Liberation Front of Tripura leh All Tripura Tiger Force te pawhin September 4 khan inkahhai an siam tawh bawk.
Assam Chief Minister Mihanta Biswa Sarma chuan remna leh muanna awm mek chuan sumdawnna tipungin State ah investor te a hipkhawm mek tiin a sawi a. Tata group te pawhin Guwahati atanga 70km leka hla khawchhak lam Jagiroad ah semiconductor plant an din mek a ti bawk a.
“He plant hi Assam a private investment lian ber niin Northeast pumpui tana danglamna siamtu a ni dawn a ni. A hlawhtlinna chuan industry hrang hrang hospitality thlengin a nghawng dawn a ni” tiin a sawi.
Tun hma atang tawhin India rampum hisap pawhin Northeast region chu khualzin tena an tlawhduh leh hmun pawimawh ber pawl anga ngaihna a lian hle a. Mahse, kum tam tak chhung helna in a tihbuai niin, chu chuan harsatna hrang hrang a siam thin a. Mahse, India sorkarin investment nasa taka tipung leh connectivity tha zawka a kalpui hnuah northeast tourism sector in hmasawnna nasa tak a hmu zui ta zel a ni.