India leh Greece in thawhhona tha neih zel duh
Prime minister Narendra Modi chuan inrinni khan Greece prime minister Kyriakos Mitsotakis chuan telephone hmanga a biak thu sawiin, ram pahnihten thawhhona tha zawk neih an duh thu a sawi a ti.
PM Modi chuan ram pahnih hruaitute chuan inbiakna rahbi duhawm zawk neih an duh dun thu a sawi a, an inkungkaihna tihchak zual an tum thu a sawi bawk.
Modi chuan sumdawnna, venhimna, lawng chawlhna leh inzawmna hrang hrangah thawhhona thuk zawk kalpui an tum thu sawiin, Greece chu EU ram zinga India thawhpui hlu tak a nih thu a sawi zui.
Greece PM hian thlantlin nawn a nih avangin Modi chu lawmpuina leh duhsakna a hlan bawk a ni. Prime Minister Narendra Modi chuan telephone maia inbiakna bakah kumthar February thla hian Greek PM chuan India ram a tlawh tur thu sawi bawkin, hemi hunah hian thawhhona kawng hrang hrang leh hmasawnna tur tam tak sawidun an tum thu a sawi bawk.
India leh Greece in thawhhona tha neih zel duh
Get real time updates directly on you device, subscribe now.