Kawng khuar awm loh nan Andhra CM in cheng vbc 861 ruahman

Kawng khuar awm loh nan Andhra CM in cheng vbc 861 ruahman
Andhra Pradesh chief minister N Chandrababu Naidu chuan an state chhung kawngpuite tha zawka a awm reng theih nan khuar awm lova siam a nih tur thu sawiin, hemi atan hian cheng vaibelchhe 861 ruahman a nih thu a sawi.
Anakapalli district-a Chintalagorlovanipalem khua atanga tanin, state pum huapin he ruahmanna hi kalpui tan a nih tur thu CM chuan a sawi a, ama ho ngeia bul an tan thu sawiin, kawng khuar chhe zual thlenga siam mam hnathawh tannaah hian home minister Vangalapudi Anitha leh sorkar mi pawimawhten an tawiawm a ni.
Naidu hian kawngpui tha neih mai a tawk lo a, a chhe zual leh a khuar zual lai hnawh mam nghal zel a nih loh chuan kawngpui a chhiat chak thu sawiin, sorkar in ruahmanna tha zawk neiin enkawl that hna a thawh zel dawn thu a sawi.
Andhra Pradesh chuan an kawngpuite chu he sorkar ruahmanna ang hian an thawk nghal tih sawiin, kawng khuar eih awm lo tura state pum inkalpawhna siamthat a nih hnuah phei chuan hmasawnna kawngah pawh chak leh zuala ke pen a nih ngei a beisei thu Naidu chuan a sawi bawk.