India pachakin record siam

India pachakin record siam
India pachak Vispy Kharadi chuan Hercules pillar hold tirei thei record a siam. Vispy hian Surat, Gujarat-ah record hi siamin, minute 2 leh second 10.75 chhungin Hercules pillar hold ti theiin, Guinness World Records a siam ta a ni.
Hercules pillar hold hi thahrui ngah bakah chak leh chhel a ngai hle a, pillar atan hian inches 123 a sang, a laia hawlhtlanga inches 20.5 a chhah a ni a, pillar pakhat hi kg 166.7 a rit niin, a pakhat zawk hi kg 168.9 a rit a ni ve thung.
Chung pillar pahnih chu a tlu tur hrui hmanga pawh din tur a ni a, kut ding leh vei lamin, pillar pakhat ve ve thlunna hrui hmawr lamah an pawt ve ve thin a ni.
Vispy Kharadi hi Guinness World Records-ah a mikhual tawh bik lo a, record 13 siam tawhin, martial arts chi hrang hrangah black belt nihna a nei nual a, tunah hian BSF commando te zirtirtu a ni mek bawk. A record siam tawh zingah minute khat chhunga in tur dahna rangva bur (cans) kut pakhat chauha hmet keh hnem thei ber leh lu (head) hmanga thir tlawn tauh kawi hnem thei record te pawh a tel.