India rama eiruk nasatna ber Meghalaya : Amit Shah

Union Home Minister Amit Shah chuan Meghalaya inthlan tura campaign a neihnaah NPP kaihhruai MDA sorkar chu nasa taka sum tichingpenah puhin India rama state ‘corrupt ber’ tihialin a sawi.
Shah hian campaign a neihnah Don Bosco School playground ah Garo tawnga thu a sawi theihloh avangin ngaihdam a dil zet a, a hma in tawng lettu hmana tum chu mipui ten HIndi an hrethiam vek tih a hriat hnuah a hnawl leh zui a ni.
“Meghalaya ah BJP tichak ula ti chuan hmasawnna kawngka kan hawng thei ang. Kan candidate te hi PM Modi’s team ah telh rawh u” tiin mipuite hnenah ngenna a siam a ni.
Shah chuan BJP te chuan State a Assembly Seat 60 te chu an chuhvek tur thu sawiin, party chak tak an nih tur thu a sawi bawk a. “Tun hnai kum 50 chhungin eirukna in Meghalaya a bawhbuai a ni. Kum 2014 atanga 2023 thlegnin Modi kaihhruaina hnuaiah ram pumah hmasawnna a thleng a, mashe, Meghalaya a thleng zo ve lo. Meghalaya ah BJP party chakah siam ula, he state a eirukna te hi chatuan atan kan namliam ang” tiin a sawi.
Shah chuan dpube engine sorkar (centre leh state) ah a awmin hmasawnna a chak thei tiin a sawi bawk a. Central scheme tam tak te chu Meghalaya ah kalpui a ni lo a ti bawk a, Meghalaya tana scheme pekah te pawh helai hmun a thlen meuh chuan hmuhtur a awm tawh lo tiin a sawi bawk.
“Thawhhona ata kan chhuahna chhan chu party chak nih kan duh vang a ni. Meghalaya a eirukna thleng ang hi State dangah a awm ve lo. Eirukna hi sawi lang vek dawn ilang chuan he sorkar hi ram chhunga eiru nasa ber sorkar a ni ang” tiin Shah chuan a sawi bawk a.
MeECL chungchang sawiin khara a awm lek lek tawh thu a sawi a, “MeECL khar ni ta se khawi atangin nge 34 hrs electricity in neih ang? Chung a htlen loh nan chuan BJP sorkar chak in mamawh a ni. Stgate in medical college in nei em? Assam en teh u, kum nga chhungin medical college panga kan din hman a nia. Meghalya tan medical college pahnih din tur kan ti a, mahse, State sorkar in a tihlawhtling thei lo” tiin a sawi bawk a. Thuneihna an chang a nih chuan Garo Hills ah medical college din ani ang a ti bawk a.
Garo Hills ah medical college pakhat, Khasi Hills ah pakhat dang dah a ni ang a, tichuan State a cheng mipui ten an damloha inenkawl nan state dang an pan a ngai tawh dawn lo a ni tiin a sawi bawk.
Meghalaya in deficit budget Rs 1,849 crore a neih chu Shah chuan State tenau tawn chuan a turu lutuk tiin a sawi bawk a. “RBI report ka nei a, chutah chuan Meghalaya chu ram puma state economy thang muang ber tih a ni” tiin a sawi bawk.