Indian army-te chaw tur zirchiannaah MoU ziak

Mizoram University Department of Biotechnology leh Mizoram Sericulture department chuan Ningani khan kum thum chhung atan thawhhona thuthlung (MoU) an ziakfel. Thawhdunna tur hi, Eri buh chi-um chu Indian army-te tan leh an uisathiamte tan chaw tha pek tlak a nih leh nih loh finfiahnan zirchian a ni ang. Hei bakah hian sericulture hmasawnna atana hma lak hona tur dang pawh a tel.
He programme hi sawrkar laipui Ministry of Defence-a Defence Research and Development Organisation leh Indian Institute of Technology Guwahati, Mizoram University leh Sericulture department tanghoa kalpui a ni.
MZU aiawhin registrar Prof. Lalnundanga leh Department of Biotechnology head Prof John Zothanzama ten hming an ziahhnan a; Sericulture department atangin secretary C Lalrosanga leh director V Zothansanga ten hming an ziahhnan a ni.