Indian ten chi an ei tlem ngai

Chi ei tam luat chuan taksaah nghawng tha lo tak a nei thei a. Chi ei tam lutuk chuan hypertension, heart disease leh stroke a thlen thei tiin mithiamte chuan an sawi a.
A hlauhawmna em em chu hriat lem lohin leh lang lem si lova thawkin hei vang tak hian kan thil eiah kan fimkhur a ngai reng a ni an ti bawk.
India-in sodium a ei chu a mamawh aia tam leh World Health organization-in ni tina puitlingin gram 5 a him chin a tih aia tam zawk daih a ni bawk.
WHO chuan tun hnai lawkah ‘Global Report on Sodium Intake Reduction’ a tichhuak a, chutah chuan member ram 194 te chu kum 2025 ah chuan sodium ei 30% tala tihniam turin a ti a. Pawi tak maiin ram tlemte chauhin tihhlawhtlin tuma hma lain hei vang hian hun tiam siam pawh kum 2030-ah pawhsei a ni zui bawk.
India erawh chuan hma lain food supply lamah sodium titlemin eiturah fimkhur zual a nih theih nan hma a la a. WHO-in sodium score a siamah 1 (kalpui nep ber) atanga 4 (kalpui tha ber) a siamah India chuan 2 dinhmun a hauh a, chumi awmzia chu voluntary policy pakhat tal a siam tihna a ni.
Eng vangin nge India-in sodium a lakluh a tihtlem a ngaihna? Pakhatnaah chuan chi ei tlem chuan blood pressure hniam a siam nghal thei a. The BMJ tena seminal paper an pekah ni khata sodium ei 1 gram a tihhniam pawhin 5 mm Hg laiin blood pressure (BP) chu kum 55 chinah a tihniam thei a, chu chuan stroke awm thei 22% a tihniamin myocardial infarction incidence awm thei 16% in a tihniam bawk a. Hei vang ringawt pawh hian chi ei tlem chu cardiovascular disease laka invenna pawimawh a nihzia a pholanga ngaih a ni.
Pahnihnaah chuan BP sang chu cardiovascular disease critical risk factor niin khawvela thihna thlentu tam ber zinga mi a ni a. Kum 2001 khan stroke vanga thihna 54% leh coronary heart disease 47% thlentu anga ngaih a ni bawk.
Pathumnaah chuan cardiovascular disease chuan low-and middle-income countries (LMICs) ah nghawng a nei na em em a, kum 2011 atanga 2015 chhung khan a hun hmaa nunna chan leh disability avanga hloh chu $3.7 trillion vel nia chhut a ni a, chu chu LMICs ram te GDP atanga chhutin 2% a hauh pha hial bawk a.
World Econoic Forum chuan Indian economy bik chauh pawhin cardiovascular disease avanga kum 2012 atanga 2030-a sum a hloh theihna chu $ 2 trillion chuang ni turah a chhut a ni. Hei vang hian LMICs rama cardiovascular disease avang nunna chan theihna leh hriselna nghawng chhe awm thei chu ven ngaia ngaih a ni.
India bikah Cardiovascular disease leh hypertension chu a hluar hle a, tun hnai kum 25 chhunga age-adjusted cardiovascular disease avanga nunna channa chu 31% in a pung a, India ramah hypertension chu risk factor lian bera ngaih a ni bawk.
Pahnihnaah National Family Survey-5 chuan hypertension chu kum 15 chin chunglam mipaah hmeichhiate aiin a nasa zawk a ti bawk a. A bik takin chhim lam Kerala lamah a nasa a, hmar lamah pawh Punjab leh Uttarakhand-ah a nasa bawk.
Pathumnaah chuan India-in pre-hypertension population blood pressure level 120-139 mmHg or diastolic blood pressure level 80-90mmmHg a ngah lutuk chu ngaimawh tham tih a ni bawk. Indian hmar lam state-ah a nasa zual a, Indian tam ber te BP reading 130 atanga 139/80-89 mmHg chu cardiovascular, stroke leh premature mortality thlen theihna sang tak tih a ni bawk a.
Palinaah chuan 2020 Report on Medical Certification of the Cause of Death chuan circulatory system disease chu thihna chhan chhinchhiah zinga 32.1% lai hauh niin chutah chuan hypertension chu risk factor lian ber a ni bawk.
Centre chuan hmalakna tam tak neiin chung zingah chuan sodium ei tlem a nih theih nan hma a la nasa a. Food Safety and Standards Authority of India (FSSAI) chuan ‘Eat Right India’ movement hial a kalpui tawh bawk a, hei bakah hian FSSAI chuan social media campaign ‘Aaj Se Thoda Kam’ kalpui bawkin Indians tena sodium an eihnem lutuk tihtlem tumna a ni a, Indian-te hian ni khatah 11 grams vel zel chawhruala ei anga chhut a ni.