Infiammite himna turin POCSO dan inhrilh

Mizoram State Commission for Protection of Child Rights (MSCPCR) chuan Aizawlah Mizoram State Sports Council (MSSC) hnuaia affiliated sports
discipline hrang hrangte nen hursualna laka infiammi naupang zawkte himna atan anmahni enkawltute hriat tur inhrilh a ni.
State huap workshop – “Prevention of Sexual Abuse Among Junior Players – Challenges and Way Forward” tihah hian MSCPCR member Vanhmingliani chuan, infiammite enkawlna leh zirtirna pe thin tana hriat awm naupang kaihhnawih dan leh hrai, a bikin “The Protection of Children from Sexual Offences (POCSO) Act 2012” chungchang a zirtir.
Khawvel huap thlirin, infiammite chungah hursualna avanga harsatna tawk tam tak an awm tawh thin a, kum tling lo zingah pawh a thlen fo avangin MSCPCR chuan kan rama a thlen ve lohna tura inven lawknan hetiang hun hi a buatsaih tih a sawi.
Infiammite leh anmahni enkawltu – coach, manager leh association hruaituten infiamna kaihhnawiha thil tih ho leh inhnimhnaihna hun an nei tam a, hei vang hian mahni naute chunga thuneihna leh thiltihtheihna remchanga lak tum leh naupang chunga hursualna thleng thei laka fimkhur tura inhrilhhriat a tul thu sawi a ni.
Dan hriat tur inhrilh hnu hian zawhna awmte chhan a ni a, sawiho zui a ni bawk.
He hunah hian heng Aquatic, Archery, Hockey, Arm Wrestiling, Basketball, Chess, Cycling, Football, Indigenous Games, Wrestling atangin Association hruaitute a an tel a. Hun remchang hmasaah hetiang hi buatsaih leh nise an ti a ni.
POCSO Act 2012 hnuaiah hursualna tuartu hi hmeichhia chauh huam loin mipa a huam tel
Naupang pawngsual an nih hian a titu chu kum 20 atanga
damchhung lung in tan emaw, sumfai chawi leh thi tura a chungthu rel a thlengin POCSO dan hian hremna a pe thei
Inremtih tawnna pawh ni se, kum tlinglo a nih chuan pawikhawihtu hian thiam a chang thei chuang lo.