Infiamnaa hlawhtlingte lawmpui

Tunhnaia India ram pum huap inelnaa Mizoram aiawha medal la infiammite chu Thawhlehni khan Sports & Youth Services minister Lalnghinglova Hmar chuan lawmpuina hun a hmanpui.
2025 October 31 leh November 1 chhunga Bhopal Madhya Pradesh-a neih 34th All India GV Mavlankar Shooting Championship-a 25m Centre Fire Pistol (senior master men category) a gold medal la Lallianmawia, IPS (Rtd.), November 16-20 chhunga Hyderabad-a National Sub-Junior Judo Championship (57 kg category) a silver medal la Vanlalramdinpuii leh, November leh December-a UTT National Ranking Table Tennis Championships, Indore leh Ranchi a neihah bronze medal la ve ve thei Jeho Hlimnakulhpuingheta te hnenah lawmpuina thilpek hlan a ni.
Minister chuan hmasawnna hi engtin nge kan neih ang, tih an ngaihtuah fo a tul, tiin, hmasawn turin coach tha, infrastructure tha neih a pawimawh rualin, a pawimawh ber erawh mihring a ni tih a sawi.
“Mahni kan pawimawh ber a, hmunhma leh hmanraw lamah state dangte kan tluk pha chiah lo a nih pawhin, keimahni’n kan zir phawt chuan India ram huap inelnaah kan hlawhtling thei tih a chiang,” a ti.