Inhauh ching inngaizawng te tana in-text loh chi

Inhauh ching inngaizawng te tana in-text loh chi
Inngaihzawnna boruak leh nupa nunah hian a nawmlai a awm ang bawkin a hrehawm chang te pawh a awm ve thin, mahse, tunhnaia inboruak kha han ngaihtuah vang vang la, a nawmna aia a hrehawmna a tam zawk a nih chuan inngaihtuah chiang teh le. In titi dun apiangin in inhau chhunzawm titih deuh zel mai a, chutiang chu ngaiah in nei tawh a, mahse, inthen erawh in duh chuang si lo. A chang chuan i ngaihtuahnaah te pawh inthen mai te a rawn lang ve viai viai a a ni mah na, mahse, harsa i ti si a. Hetiang boruakah hian kan smartphone te hi hman tangkai theih leh hman sual theih a ni. Tun tumah hian in inkar boruak a that vak loh laia in-text loh chi ni a relationship lama mithiam te sawi kan rawn tarlang e.
1. Fiamthu huatthlala leh a inngaihbel theih tur ang chi te in-text loh a tha. In pahnih inkar kha a fuh vak lo tawh sa a, chuvangin fiamthu meinei deuh i thawn chuan in inkar boruak a alh hma dawn a, a lo inngaihbel te a awlsam bik a nia. Mi pahnih inkar a khik deuh tawh chuan kan inpawhna boruak pawhin a tuar ve nghal a, kan tawngkam hman thlengin fimkhur a pawimawh. Mipa emaw hmeichhia emaw a nawlpui thua fiamthu thawh nana hman ang chi te pawh tih loh chi a ni a, a thil duh zawng leh a tan zawng emaw te fiamthu thawh nana hman loh a tha bawk.
2. A tlin lohna leh a fel tawk lohna lai te a inhriat theihna tur ang chi text loh a tha. Entir nan a ngaihzawng hlui te chungchang emaw, a thil lo tihsual tawh emaw, a chak tawk lohna emaw, a fel lohna ang chi emaw te i text chuan, nangin rilru chhia pu a text ni lo mah la in inkar boruak eng emaw a lo awm sa deuh tawh avangin i text khan a tilungawi lo hma dawn tih hriat tur a ni. A insiamthat i duhna avanga i text kha, a thinrimpui ang a, in inhauhna belhchhahtu a ni zawk daih thei.
3. Inpuh chhiatna lam chi chu in-text loh a tha ber. Tunhmain i tana na tak takin a lo tawng khum tawh che pawh a ni thei a, chutiang chu tun hnuah i tanhmun sawh ngheh tum nan phawrh chhuah leh fo tur a ni lo, a bik takin text-ah phei chuan tih loh tawp tur a ni. A thu inang chiah pawh ni se text lehtawngka a kan sawi hi a dawngtu tan a thawh dan a dang daih thei. |awngkaa kan sawia an huat lem loh tur pawh hi text-ah chuan huatpui theih a ni tlat.
4. Thinrim chang neih hi mihring zia a ni a, lungawi loh chang neih te pawh mipangngai kan nihna zawk a ni, mahse, heng kan thinrimna leh lungawi lohna te hi a tihlan hun leh hmun kan thliar thiam lo thin. Kan thinrim tawh laklawh emaw, kan lungawi lo tawh laklawh emaw a nih chuan a an thil sawi leh thil tih reng rengin kan thin a tirim vek tawh emaw tih mai tur a ni thin. Chutiang boruak chuan pakhat zawkin, “Khawnge chabi hi?” a ti a, “Dawhkan chungah a awm reng kha, a zawn hma hma hian khawnge khawnge ti nghal ringawt zel mai!” a lo ti vin hlar a. Chutah, “Ka zawnga ka hmu lo a ni mai alawm, a awmna i hriat chuan tha takin sawi ve mai ta che, vin hlar zel ringawt mai,” a ti ve leh a, an inchhang an inchhang a, a tawpah chuan boruak a chhe lehzual thin.
5. |awngkam bung leh tawi tak taka in chhan hian hian thinrim a tizual duh. A tisual tih a inhrechhuak a, in inkar boruak siamthat a duh a, text a rawn thawn che a, chutiang hunah chuan thumal pakhat lek lek a inchhan loh tur a ni. ‘Aw’ ‘Hmm’ tih vel ringawta kan lo chhan zel chuan a lungawi lo ve leh a, nang i thinrim zual sauh bawk ang. I thinrimna kha a awm viau a ni mai thei a, mahse, in inkar boruak siamthat tuma hma a lakna te kha hriat sak ve tho tur a ni.