inister-in school tlawh

inister-in school tlawh
Aizawl West II nialtu MLA, minister Lalruatkima chuan Thawhlehni khan a bial chhunga awm Govt KM High School a tlawh.
Zirlai leh zirtirtute hmaah, KM High School atanga zirchhuak, ram pum huapa mi chhuanawm tak tak leh Zoram tihmingthatu an lo awm teuh tawh a, tun thlengin Aizawl tlaklam timawitu a ni tih a sawi a. School tihhmasawnna atan a building sakna tur chu bawhzui a ni dawn tih a sawi a ni.
Tunhnaiah Vaivakawn High School leh Tuikual North High School tih changtlunna leh thawmthatna tur cheng nuai 70 leh cheng nuai 60 ve ve hmuh a nih thu te, MLA Fund atangin Govt. Aizawl West College-ah smart classroom siam a nih thu te a sawi bawk.
School tha tehna pakhat chu result ni mah se, tehna dang – matric result bakah zirlaite kal zelna turah, eng kawng pawh nise, mi puitling, ram tana chhenfakawm engzatnge chhuak tih chu chhut tha a tih thu Lalruatkima hian a sawi a. Zirtirtuten theihtawp an chhuahna chu zirlaiten taimakna leh tumruhnaa chhanglet turin a fuih. Hlawhtling tur chuan midang aia pen hnem, thawh hnem zir hnem leh inpekna a kengtel tih a sawi a ni.
Social media hmangthiam a, thu diklo lengvel laka fimkhur turin zirlaite chu a chah bawk.
School hotute chuan SEDP atanga mathematics zirtirtu, LDC, 4th grade pek an nih avangin minister leh sawrkar chungah lawmthu an sawi a ni.