Football hmanga YMA Branch hrang hrangte inelna lian ber Inter Branch YMA football tournament vawi 21-na chu nizan khan khelh zawh a ni a. Final-ah Tlangnuam Branch YMA leh Venhnuai Branch YMA te an intum. 2023 final result kan tarlan hman loh vangin tun tumah hian Inter Branch YMA bootball tournament chanchin tlangpui kan tarlang ang a. RG Stadium-a khelh zawh tak 2023 thlirna tawi kan tarlang bawk ang.
Inter Branch YMA football tournament hi kum 1985 khan khelh tan a ni a, a vawi khatnaah hian team 32 an tel a, champion hmasa ber chu Armed Veng niin final-a an khingpui Vaivakawn chu 6-3 in an hneh. Champion hmasa ber Armed Veng tan hian F Lalchhandama (J. No 14) chuan goal 14 a thun a, Inter Branch YMA Football tournament-ah Top-scorer hmasa ber a ni.
Football hmanga YMA Branch te inelna ngaihhlut hlawh tak hi kum tin khelh a ni lem lova, kum nga dan daiha khelh changte a awm laiin kum zawna khelh changte a awm bawk. Covid 19 hripui len hmaa he inelna khelh hnuhnun ber tum chu kum 2019 kha a ni. Kum 2019-ah hian Branch hrang hrang 110 zetin inelna an hmachhawn a. Team 110 zingah Chanmary Branch YMA chu thiam ber niin final-a an khingpui Armed Veng chu 4-1 in an hneh a, a vawikhat nan football hmanga YMA Branch te inelna lianah an champion.
Inelna neih hmasak ber 1985 atanga 2023 thlengin ienlna vawi 21 neih tawh a ni a. Inelna vawi 21 neih tawhah hian champion thei Branch 11 awmin, champion hmasa ber Armed Veng chu vawi nga an champion tawh a, champion ngun ber a ni. Vawi thum champion tawh Electric Veng chu champion ngun ber dawttu an ni a. Vawi hnih champion tawh branch pathum an awm a, chungte chu; Chaltlang, Dinthar leh Ramhlun South te an ni a. Zotlang, Ramthar Veng, Republic Veng, Lengpui, Kanan leh Chanmari te hi vawi khat theuh an champion tawh bawk.
Inter Branch YMA Football tournament-a champion tawhte:
Armed Veng – 1985, 2003, 2010, 2012, 2015
Electric – 1987, 1989, 1998,
Chaltlang – 1988, 1995
Dinthar – 1990, 2002
Ramhlun South – 2008, 2017
Zotlang – 2000
Ramthar Veng – 2004
Republic Veng – 2005
Lengpui“ – 2006
Kanan veng – 2007
Chanmari – 2019
Tournament vawi 21-na
Tarlan tawh angin nizana khelh zawh tak kha Inter Branch YMA football tournament vawi 21-na a ni. Tournament vawi 21-naah hian team 145 zetin inelna an hmachhawn. Semi-final khelh zawh a nih thleng khan inkhel 143 awm tawhin, goal 764 a lut tawh. Final khelh a nih hma thleng khan goal 11 thun tawh Vanlalthanga chu top-scorer a ni mek a. Hualngohmun player pawimawh Vanlalthanga goal thun zat hi goal 9 thun tling tawh Tlangnuam player pawimawh Vincent Lalduhawma chiah khum thei dinhmunah a ding tawh a. Vincent-a hian top-scorer ni turin final-a an khingpui Venghnuai lakah hattrick siam a mamawh. Lamzawl player R. Lalthanmawia chuan North Chaltlang Vengthlang lakah goal 9 ngawt a thun a. Ani hi Inter Branch YMA football tournament 2023-ah match khata goal thun hnem ber a ni a. Phuldungsei Phul Bial lakah second 15-na leka goal thun David Lalchhuanawma chu goal thun rang ber a ni ve thung.
Final-a inhmachhawn Tlangnuam leh Venghnuaite hi la champion ngai lo ve ve a ni a. Champion zawk tan tun hi an vawi khat champion na a ni.
Inter Branch YMA Football Tournament
Get real time updates directly on you device, subscribe now.
Next Post