Ngaihzawng te nena inthen emaw, nupui/pasal then hi thil serious tak a ni a, chutiang ti tura thutlukna kan siam hmain thil tam tak ngaihtuah a tul niin relationship lama mithiam ten an sawi a, kawppui te then hmaa tih tur pawimawh zual an tih te kan rawn tarlang e. Engamah hmaa inthen peih nghal ut zel mai te hian boruak siamthat aiin a tichhe telh zawk zawk a, chuvangin, inthen tura thutlukna siam hmain kan harsatna te sawi dun ngei tur a ni.
1. Inthen hmain chutiang i duh phah hialna chhan, harsatna in neih chu i kawppui nen chuan sawi dun ngei tur a ni. I kawppui chuan engmah a sawipui tha duh lo che a nih pawhin a pawimawh zia hriain, sawipui theih dan kawng zawng ang che. Mahse, tihluihna lam rawngkai erawh hman loh tur a ni.
2. In titi dun thei ngang lo a nih chuan in lungawi lohna leh harsatna te chu ziaka in pek tawn mai tur a ni. Hei hi a nuihzatthlak riauin a lang mai thei, mahse, rawl ring taka invin vak vak leh in ân khum chiam chiam te pumpelhna tha tak a ni a, in harsatna dik tak in inhriat sak theih dan kawng awlsam tak a ni. In lungawi lohna te ziak chhuakin, tha in tih te pawh ziak chhuak ula, chu chu in pek tawn mai tur a ni.
3. Kawppui te laka lungawilohna kan neih hian, a tlangpui thuin kan lungawi lo nasa ve mah mah thin bawk a. Thinrimna a rawn kal tawh lak lawh chuan kan duh rum nghal viau zel a, chuvangin kan kawppui te kan sawipui hma emaw thutlukna siam nghal ut hmain, mahni a thut hahdam a, inngaihtuah chiam a, kan thinrimna te inbeng daih deuh phawt tum tur a ni.
4. A lo rei deuh hnuah chuan in inkar chu chuti tak chhia a ni lo a, in inpumkhatna te pawh a la vawn nun theih tih i hrechhuak leh mai ang. Chuvangin, eng harsatna pawh in inkarah thleng se, thawkleh khatna thutlukna siam nghal mai lo a, sawi dun phawt tum hram hram tur a ni.
Inthen hmaa ngaihtuah tur
Get real time updates directly on you device, subscribe now.
Next Post