Inthlan laia social media hmansual umzui turin din

Mizoram Police chuan kumin inthlanpui neih turah pawl leh mimal tupawh, model code of conduct bawhchhiaa social media hmanga dawt leh midang beihna leh pawl dang tana pawi thei thil vawrh darh lo turin mitin a hriattir.
Hemi kawnga chak zawka hma lak a nih theih nan DIG (Northern Range) chu Social Media Monitoring & Cybercrime nodal officer turin ruat a ni a; a kaihhnawihah hian Staff Officer to DIG (NR) enkawlna hnuaiah Social Media Monitoring Cell din a ni.
Hetiang thila complaint duh nei chuan Social Media Monitoring & Cybercrime member: Inspr. L Ramnghahmawia, in-charge (Ph: 9862536585), Dally Vanlalfaka, member (Ph: 8974965717), Zonunmawii, member (Ph: 9612220206), Lalmuanpuia, member (Ph: 8575187636) te hnenah hriattir tur a ni tih Mizoram Police chuan an sawi.
‘Inthlanpui zalen, felfai leh muanawm tak kan neih theihna turin tha taka police thawhpui tur leh dan kalha thiltihte dan kengkawhtute hnena hriattir thuai thin turin mipui kan ngen a ni,’ an thuchhuah chuan a ti.