Inthlanpui vangin Pro Fight inhnek hun siksawi

Mizoramin Legislative Assembly member thlan a nih dawn avangin Tata SK 612 LPS Pro Fight quarter-final leh semi-final khelh hun sawnhma a ni a, a dang zawng erawh a ngai anga kalpui a ni ang.
October ni 30, 31 leh November ni 1, 2023 zanah quarter-final khelh a ni dawn a, November ni 3 leh 4, 2023 zanah semi-final khelh a ni ve thung ang.
Fixture tihchhuah tawhah November ni 2, 3 leh 4, 2023 zanah quarter-final khelh tur a ni a, November ni 6 leh 7, 2023-ah semi-final khelh tura tih a ni.
November ni 7-ah Mizoram Legislative Assembly member thlan a nih dawn avangin Pro Fight quarter-final leh semi-final khelh hun sawnhma a ni a; chutih laiin ruahmansa angin October ni 28, 2023 zanah weight hrang pangaah round of 16 khelh zawh a ni dawn a, November ni 10 leh 11, 2023 zanah Title Fight leh Special Fight huaihawt a ni ang.
October ni 2, 2023 khan LPS Arena, Falkland Vengah Pro Fight vawi 10-na khelh tan a ni a; October ni 14, 2023 thlengin inhnek vawi 130 zawh tawh a ni.
Mizo boxer pathumin WBC India title an chuh tel dawn a, Special Fight pathum zehtel tur nen hian a vaiin inhnek 279 a awm dawn a; October ni 17, 2023 – Thawhlehni zanah chhunzawm a ni ang.
Weight hrang pangaah lawmman Rs. 6,30,000 sem-chhuah a ni dawn a; boxer 16 an tel tlin loh avangin middle-ah semi-final lut chinin lawmman pawisa fai an dawng ang a, weight dang paliah quarter-final lut chinin an la thei dawn a ni.
Best Boxer hnenah MST Motors chuan Ather Electric Scooter a pe dawn a; Promising Boxer leh Best Challenger-in trophy leh Rs. 10,000 ve ve dawngin, Best Coach leh Best Referee-in Rs. 7,500 leh trophy an dawng ve ve dawn bawk a; KT Enterprise-in mimal lawm-man hi a tumsak ang.
Zan 28 inhnek huaihawt turah zan 11 zawh tawh niin, GIG Motors Fighter of the Night thlan thin a ni a, lawmpuina lawmman pawisa fai hlan ziah a ni.