Intih cher duh tan curry leave

Curry leave hi Mizoramah chuan kan ei nasa vak lo te pawh a ni ang, mahse, India hmun dangah chuan chawhmeh chi hrang hrangah an telh nasa hle a, hetih rual hian taksa hriselna atana thatna pawh a ngah hle niin Times of India health section chuan a tarlang a, taksa rihna paih duh tan pawh a tha hle niin an sawi bawk.
Intihcher kan duh vanga thil ei tlem vak vak ringawt ai chuan ei tur dik ei hian rihna paih a tichak zawk a, ei tur dik kan ei hian nutrition tha kan dawn bakah calorie pawh a in-burn chak zawk. Curry leave hi kadi patta ti te pawh an sawi thin a, dul a thau inchhekkhawm paih nana chaw tha berte zinga miin an tarlang.
Ayurveda-ah chuan curry leave zing kara ei hi taksa hriselna atan a tha niin tarlan a ni a, diabetes tan a that bakah cholesterol a tihniam thei a, thau a paih thei bawk. Thau paih nana curry leave a thatna chhan pakhat chu kan thil ei te paitawih lama kan pum a pui a, chu chuan pum a tihrisel a, chu chuan metabolism a tichak a, tichuan rihna paih kawngah a thawh hlawk ta em em mai a ni.
Curry leave hian soothing properties a nei a, chu chuan digestion a puih mai bakah ril bang vel te a siamtha thin. Antioxidant chak tak tak, taksa atanga thil tha lo paihchhuak theitu a pai hnem hle bawk. Curry leave hian luak chhuak ti deuh nghulh te pawh a tireh thei.
Curry leave hian cholesterol chhe chhi level a tihniam thei a, taksa a thau a paih a, hemi atan hian taksa a thau awm paihtheihna tur mahanimbine a nei. Lipid leh triglycerides level a tihniamin, chu chuan weight gain tur a veng bawk.
Engtia ei tur nge? Curry leave chu chawhmeh siama telh mai theih a ni a, thidang nena pawlh lo pawhin ei mai theih a ni a, zingkara ei a tha lehzual. Tui no khat chhuang so la, chutah chuan curry leave 10-15 vel telh la, so tir deuh bawrh bawrh la, i dah dai leh ang a, chumi hnuah a tui chu i in dawn nia. I duh leh a tui in turah chuan khawizu tlem leh sertui tlem te pawh i telh thei ang. A thatna hmu tur khawp chuan thla khat vel tal hetiang hi tuktin in a tur a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More