Intih cher i duh em?

|henkhat chu an vannei a, metabolic system tha tak an nei bik a. Thau lutuk hian harsatna min thlen nasa a, taksa hriselna kawng hrang hrangin a tibuai thei a, natna danglam tak tak te pawh a neih phah theih hial a ni. Chutihlaiin thenkhat intihcher tum ten an tum an puitlin hleithei lo. An tlan a, an jog a, an in-diet a, exercise te pawh an la a, intihcher theihna tur ni a an hriat kawng hrang hrangin hma an la, mahse, an hlawhtling thei tlat lo. A chhan chu- an tih dan a dik loh vang a ni. Inticher tura pawimawh hmasa ber chu exercise lak leh ei leh in kal kawp tir hi a ni.
Ei leh in lama insum vak vang emaw, exercise lak vak vang emawin kan rihna a lo tlahniam thei a, mahse, chu chuan a daih rei ang em. Nasa taka kan beih avangin rihna a tlahniam vak a, mahse, kan inthlahdah leh deuh a, reilote hnuah a ngaiah bawk kan kir leh mai thin. Tun tumah hian mithiam ten intihcher nana thil pawimawh leh tihdan tha ni a an sawi te kan rawn tarlang e.
1. Tukthuan hi nilenga kan chaw ei zawng zawnga pawimawh ber a ni tih hriat tur. Rultam lutuka rei tak hian pum te a tipuar ul thei a, ril a tam chuan exercise pawh kan la tha thei thin lo. Kan awm zawi leh mai mai thin. Zanlamah ka ei tam duh zawk tih vanga tukthuan i ei loh ringawt khan a tithau telh telh