Intih cher nan tui intam rawh

A mak i ti viau maithei, mithiam te chuan tui intam ila kan cher duh niin an sawi tlat mai.
Mahse, han chhiar zel la, mak i ti leh vak lovang, tui kan intam chuan thil ei kan chakna a tihniam a, kan taksa metabolism a tichak a, chuvangin kan taksaah thau a lo thlem ta thin a ni. Tui i intam chuan i taksaah thau a tlem dawn tihna a nih chu.
Kal (kidney) hian a mamawh tawk tui a hmuh loh chuan hna a thawk tha thei thin lova, kal-in hna a thawh that loh chuan thin (liver) in a tuar ve leh a. Thin hnathawh pakhat chu kan taksaa thau inkhawl khawm te energy a siam chhuah a ni. Mahse, thinin kal hnathawh tur a puih a ngai chuan thau inkhawl khawm te energy a siam turin a thawk hman ta thin lova, kan lo thau ta thin a ni.
Fluid retention treatment tha ber chu tui in tam niin mithiam ten an sawi a, water retention siam that dan tha ber chu tui tam tak in a ni mai. Chi al i ei hnem zawh poh leh tui i mamawh hnem tih te pawh hria la. Kan taksa a chi al, kan mamawh aia tama awm paih chhuahna tha ber pawh tui in tam bawk a ni.
Mi thau apiangin mi cher te aiin tui in tam an mamawh zawk niin an sawi bawk.
Anih leh tui chu engzat nge in tur? A tlangpui thuin intih cher nana hmang tur khawp chuan a tlem berah ni khatah litre hnih vel tal in a ngai. Kan tui in tam lam chu exercise kan lak nasat dan emaw, khaw lum dan emaw vangin a danglam thei bawk.