Intihcher duhte tan lakhuihthei a \ha

Tunlai chu a tam hunlai a ni bawk a, lakhuihthei hi ei tam a pawi lo khawp a nia. Khawlum laiin mi a vawng dai ve thei a, chubakah rihna paih tumte tan ei chi tak a ni bawk si. Vitamin C, manganese leh nutrient chi hrang hrang a pai hnem hle niin Times of India health section-in an tarlang a, lakhuihthei gramn 165-ah hian calorie – 82, fat- 0, cholesterol – 0, potassium – 120mg, carbs – 15gm, sugar – 11gm leh protein 1gm a awm niin an tarlang bawk. He data atanga en hian lakhuihtheih hi intihcher tum te tana thei ei chi tak a ni tih a lang nghal reng mai. Sugar tlem azawng a pai ve nain, hei hi chu ngaihpawimawh thamah an ruat vak lo.
Lakhuihthei-ah hian soluble fiber a tam hle a, chu chuan digestion a timuang a, chuvangin mi a tipuar rei a, hei hian hmawmsawm kan ei tam tur a veng nasa hle a ni.
Lakhuihtheiah hian tui a tam a, chu chuan min tihnawng a, kan taksaah tui a tam chuan rihna paihna atan a pawimawh, Exercise lak zawhah te lakhuihthei juice no khat in emaw, a tak ei emaw te pawh a tha hle a, chaw ei hun inkara ei atan pawh a tha hle.
Lakhuihtheihah hian enzyme chikhat bromelain a awm a, chu chuan metabolising protein a tangpui a, chu protein chu dula thau awm paih tu pawimawh tak a ni. He enzyme hian thil ei chak huam huamna a tireh thei bawk.