Intlansiak laiin Spanish rider a thi

Isle of Man TT-a bike intlansiak hmasaber Su-pertwin race an tihah chesualin Raul Torras Martinez a thi.
Kum 46 mi Martinez hian kum 2017 khan a Isle of Man TT debut nghak-chhuakin, Thawhlehni zan khan Alpine section an tlan lai three-lap race-a final lap an tlan lai, mile marker 16-na leh 17-na inkarah a bike chesualin, a nunna a chan zui ta a ni.
Mountain Course-a tanwhriat ngah tawh Spanish rider Raul Torras Martinez hi Sant Hilari Sacalm, Girona lam chhuak niin, Opti-mark Racing Team tana intlansiak hmachhawn lai a ni a, he event-a Spanish rider tlan chak ber a ni nghe nghe.
Spaniard hian Northern Ireland lamah regular takin North West 200 leh Ulster Grand Prix race a hma-chhawn thin.
Isle of Man TT race an tih hi vantlang kawng an khar laia tlan mi niin, kum 1907-a an tlan tan atang khan kumin hi vawi 102 an tlanna a ni tawh a; kum 1911 khan Mountain Course lamah an insawn a, khami atang khan he intlansiak rothap zet thihpui hi mi 267 an tling tawh!