Irag Kristian ten zu khap hlih duhin hma la

Iraq-a Christian politician te chuan zu lakluh leh hralh kapna dan chu sut a nih theih nan hma an la a.
Kar kalta Inrinni atang khan Customs officials te chu zu khapna dan lekkawh tura tih niin thla kalta khan opposition tena an sawisel nasa chungin dana siam a ni tawh a ni.
Iraq parliament-ah Christian group te hian seat nga an nei a, lawsuit thehlutin sorkar hmalakna chu democratic lo an ti bawk.
Iraq ah hian ualau taka zu in chu tih ngai loha neih a ni a, Muslim ram niin mahse liquor store leh licensed nei bar ah te chu lei leh in theih a ni.
Zu khapna hi kum 2016 khan parliament-ah passed tawh niin he dan bawhchhiate chu 25m Iraqi dinars lai chawi thei tura tih an ni a.
Zu hralh, ram dang atang a chawkluh leh sak te a khap bur vek a, thla kalta khan official anga dan angin pawm a nih hnu kum sarih hnuah kalpui a ni tan chauh a ni.
Zu khapna dan hi engtiang anga lekkawh zel tur nge tih chu a la chiang lo va, Federal Supreme Court in engtiangin nge a ngaih dawn tih pawh a la chiang chuang lo.
Court-a ngenna an theh luhah Baylon Movement te chuan zu khapna dan chu constitution kalh tia sawiin a chhan ber pawh minority te rights namnulin zalenna a khuahkhirh a ni, an ti a.
Hei mai bakah hain a hma lawka 20 February a sorkarin gazette a tihchhuaha kum li chhung atana alcoholic drinks a duty 200% lak tih chu a kalh an ti bawk.
Iraq capital Baghdad a estate agent Sarmad Abbas chuan zu khapna chuan zu te chu man to zawkin black market hmanga lei leh hralh theih turin a siam mai mai chauh dawn a ti a.
Muslim sakhua chuan zu chu a duh loh leh pawm loh a nih ngei thu sawiin “mahse hengte hi chu mimal zalenna a ni a, khau leh tui tena an duha an zalenna an hman chu khap theih a ni lo,” tiin a sawi.
He zu khapna bill hi a tirah chuan Mahmoud al-Hassa, judge leh lawmkaer Iraq a State of Law Coaltion mi leh sa in aputluh a ni a. Article 2 of Iraq 2005 constitution a Islam sakhua kalh reng reng dan siam khap tih chu behchhanah a nei a ni.