Iranian nuclear hmun kan tichhe nasa hle – CIA chief
Iranian nuclear hmun kan tichhe nasa hle – CIA chief
Intelligence report a puta tar lan a nih danin President Donald Trump-a a tihthinrim hle hnuah CIA hotupa chuan US-in Iran-a nuclear hmunte ‘a tichhe nasa’ tih a sawi.
US spy agency-a an director, John Ratcliffe-a chuan hmun pawimawh tak tak tihchhiat a ni a, Iran-in nuclear programme a neihte a titawp thei dawn em tih erawh a sawi lo.
A hma ni chiah khan Pentagon intelligence agency chuan report tiputin Iran-in nuclear programme a neihte chu US-in a bomb hnuah pawh a pangngaiin a la kal reng nia tar lan a ni.
President Trump-a erawh chuan a sawi tawh ang bawkin Iran-a nuclear hmunhma chu a chhu chhe vek niin a la sawi.
Republican president chuan social media-ah Nilaini khan ‘chanchin thar lem’ puangte an daw a, thil dik lo an sem tidarh nasa niin a tar lang.
Hetih lai hian Israel leh Iran chuan Trump-a puihnaa ni 12 indo titawpa inkahhai an kalpui chu an la hmang zel.
Nilainia The Hague-a Nato summit-a a telnaah Trump-a chuan Iran an kah chu, “A na hle a, a tichhe nasa hle,” tiin a sawi.
Iran atangin nuclear neih tuma an kalna titawp turin karlehah an inbiak lehna tur an dawn a beisei thu a sawi a, Iran erawh chuan chu lam chu a la hawi lo nia hriat a ni.
Hetih lai hian US Middle East envoy Steve Witkoff-a chuan NBC hnenah hmaichhan leh mi dang kaltlang pawhin indawrna a awm reng tih a sawi.
Trump-a’n a ruah, Ratcliffe-a bakah National Intelligence Director Tulsi Gabbard-i pawhin Trump-a ngaihdan tawpin Iranian nuclear hmunhma an tichhe nasa tih a pawm.
“Iranian-te hian intun din an tum leh a nih chuan an hmunhma pathum – Natanz, Fordo, Esfahan chu a puma an siam leh a ngai dawn a, kum tam tak a ngai ang,” tiin X-ah a tar lang.
US-in Inrinnia beihpui a thlekah khan thlawhna 125 tirin Iranian nuclear hmunpui pathum hi an kap a. Thlalem thlalak tharah chuan Fordo luhna hmun hnihah khuar lian tak tak paruk a awm a, Isfahan-ah pawh hetiang hi a awm a; mahse, lei hnuaia an hmunhma a khawih pawi em tih a lang lo.
Thawhlehnia Pentagon-a Defense Intelligence Agency thuruk putah chuan US-in a beihna hian Iran neclear programme chu ‘thla rei lo te chauh’ a tikhawlhkham dawn niin an tar lang tih an ram chanchinbuten an tar lang hlawm a ni.