Ireland in kuminah inthlanpui neih ngei tum

Ireland in kuminah inthlanpui neih ngei tum
Irish sorkar party pathum hruaitute chuan kum 2024-ah inthlanpui neih ngei a nih theih nan an inrem thu an sawi. Republic of Ireland-ah hian March 2025-a term tawp hmain inthlanpui neih a ngai a ni.
Taoiseach leh Fine Gael hruaitu Simon Harris, Fianna Fáil hruaitu Micheál Martin leh Green Party hruaitu Roderic O’Gorman te chuan Finance Bill pass chu sorkarin a ngaih pawimawh ber a nih thu an pawm. Bill-ah hian chhiah lak dan tur ruahmanna thar a awm a, committee sang chu 5 November atangin tan a ni ang.
Green Party hruaitu Roderic O’Gorman chuan a hmain November 29 ah inthlan neih tura rawtna a lo siam tawh a, mahse pawmsak a ni dawn em tih a la hriat loh. Zirtawpni liamtaa Dublin-a thu a sawinaah O’Gorman chuan Irish mipuite hnenah a ni tur dik tak hriattir thuai a tul tuh a lo sawi tawh a ni.
Taoiseach leh Fine Gael hruaitu Harris chuan, ‘Ram tana hun remchang takah tih ka duh a, hna thawh zawh theihna kawngah pawh awmzia a awm theih hunah tih ka duh bawk,’ tiin inthlan hun tura a duh dan a sawi bawk.