Iron rod size dik leh buk tling chauh lei leh zuar turin hriattir

Iron rod size dik leh buk tling
chauh lei leh zuar turin hriattir
High strength deformed steel/ iron rods quality tha lei tur a awm theihna’n Legal Metrology department chuan iron rod leh steel zuarten an zawm ngei ngei tur thupek a tichhuak.
ISI 1786:2008 (High Strength Deformed Steel Bars and Wires for Concrete Reinforcement- Specification) Section 6.1-a tarlan angin, Indian standard-a high strength deformed steel-te nominal size ruat chu 4mm, 5mm, 6mm, 8mm, 10 mm, 12 mm, 16 mm, 20 mm, 25 mm, 28 mm, 32 mm, 36 mm leh 40 mm chauh pek theih a ni a, size dang chu inremna siam a nih chauhin pek theih a ni tih a sawi.
‘BIS Act 2016 hnuaiah high strength deformed steel /iron rod te hi compulsory certification pek an ni a, standard ang thlap hian BIS license neitu chuan a siam tur a ni,’ a ti.
Local market-ah standard bituk tling phak lo, buk zang zawk leh te zawk a tam hle tih hmuhchhuah a nih thu te, customer-ten sized tling lo iron bar an lei thin chuan concrete structure chakna a tichhiat theih thu te sawiin, iron rod chu a buk tling tha anga chhalin a mala zawrh a ni fo thin tih an hriat thu a sawi a ni.
Mizorama iron bar hralh turte chu BIS standard size tarlan takte ang chauh khi a ni, tiin, Legal Metrology-in a dik tih a finfiah, electronic weighing machine chauh hmanga a rih zawng buk hnua hralh tur a ni tih a sawi.
Heng sawi tak ang size ni lo, iron rod dang customer-in a mamawh a nih chuan, chutiang chu customer leh BIS certified manufacturer inkara inremna siam a nih hnu ah leh an pahniha an sign hnu ah chauh siam leh supply theih a nih thu a sawi bawk.
He hriattirna bawhchhia chu BIS Act 2016 leh CrPC Act 1973 hnuaia hrem tur an ni tih a sawi a ni.