Israel PM in a defence
minister Gallant a ban
Israel prime minister Benjamin Netanyahu chuan a defence minister Yaov Gallant chu a ban a, an inkar a chhe hle nia sawi a ni.
Netanyahu chuan thuchhuah siamin, tun hnai thla engemawzat chhung atang khan Gallant a rinna chu a tlahniam tawh hle niin a sawi.
Defence minister a ban thu a sawi rual hian foreign minister ni lai Israel Katz chuan Gallant hi a thlak dawn niin Netanyahu chuan a sawi bawk.
Hetih lai hian ban tak Gallant chuan social media lamah Israel ram himna chu a dah pawimawh hmasak ber a la nih reng thu sawiin, a ni zel dawn bawk, a ti.
Netanyahu chuan indona karah a hma aia nasa zawka prime minister leh defence minister an inpawh a ngaih zawk thu a sawi a, inrintawn lohna chu a khik zau zel avangin he thil hi tih loh theih loh a nih thu a sawi zui bawk.
Foreign minister Katz chuan Gallant a thlak dawn tak avangin, Israel chuan an foreign minister thar atan Gideon Sa’ar an neih dawn thu PM chuan a sawi.
Israel PM in a defence minister Gallant a ban
Get real time updates directly on you device, subscribe now.