IT ten Rs 210 crore INC te chawi tir

Congress te chuan la thleng ngai lo tawng mekin Income Tax Department chuan Lok Sabha inthlanpui hma lawkin Rs 210 crore pe turin a ti a. Narendra Modi sorkar chu ‘financial terrorism’ kalpuia puhin leh ‘pawisa ruksak’ leh ‘inthlan dawn hnaiha opposition te tihchakloh tum’ tiin Congress te chuan an sawi a ni.
FY2017/18 ah Income Tax returns an lo tihloh avangin chu chu IT department chuan a hmuchhuak a ni. IT return siam loh hi Rs 14.49 lakhs vel a nih laiin Income Tax Department chuan Congress te chu Rs 210 crore chawi turin a ti ta a ni.
“February 9, 2019 khan kan return kan fil a. A hnu kum ngaah inthlan dawn hnaiah kan sum min laksak an tum ta a ni” tiin Congress te chuan an sawi a.
Congress leader Ajay Maken chuan, “Kan sum hi kan hmu let leh ngei ang a, mahse, chutih hunah chuan inthlan a zo fel tawh ang” a ti a. General Secretary KC Venugopal pawhin ‘opposition te rahbeh tumna liau liau’ a ti bawk.
“Political party te a\angin income tax lak a ni tawh ngai reng em ni? Hei hi income a ni lo, chuvangin tax lak a ni ngai lo reng a ni. BJP ten income tax an pek ngai miah loh laiin eng vangin nge Congress pek tir min tum?” tiin Maken chuan a sawi bawk.
Nilaini khan Congress te chuan Income Tax Department te chuan an account pathum a\angin Rs 65 crore an laksak der tawh tiin an sawi a.
Ajay Maken chuan Indian National Congress, Indian Youth Congress, leh National Students’ Union of India accounts a\angin sorkar chuan sum a laksak a i a. IYC leh NSUI a\angin Rs 5 crore, INC a\angin Rs 60.25 crore a la ni tiin a sawi.