Italian zinga World No 1 ni chunga kum khar hmasaber tur Sinner

Karliamta Inrinni Shanghai Masters semi final-match pakhat zawka Czech Republic player Tomas Machac a hneh rual khan world number one Jannik Sinner chuan ATP ranking-a number one ni chungin kumin hi a hmangliam dawn tih a nemnghet a, Italian player zinga World No 1 ni chunga kum khar hmasaber tur a ni.
Top-seeded Italian hian Pathianni zan final-ah fourth-seeded record 24-times major winner Novak Djokovic a hneh zui leh zat a, kumina Grand Slam title vawihnih la thei Sinner hi kumin chhungin match 64 a chak tling tawh!
Australian Open leh US Open champion chuan number one luah chunga kum a khar thei tur chu a naupan lai a\anga a lo mangphan \hin a nih thu sawichhuak chungin kum kal laia a trophy pasarihna chuan a tihlim takzet tih Serb a hneh hnuah a sawi.