Manipur-ah pawl ngelnghet leh dinthar tam tak a awm a, chung pawl tinte chuan eng emaw hun atana pawimawh an nei vek chungin May 3 a Kuki leh Meitei inkara buaina chhuah atangin Indigenous Tribal Leaders’ Forum (ITLF) aia chanchinthar luah hnem a awm lo thung.
November 17 khan Churachandpur police station officer in charge chuan ITLF general secretary Muan Tombing lakah FIR thehlutin government of India laka ‘indona kalpui tum’ a ti a ni. Hei hi November 15 a Kuki-Zomi te tamna Churachandpur, Kangpokpi, leh Tengnoupal district te tan ‘seperate administration’ puan a nih vang a ni a. FIR hi ruling BJP MLA tena sawiselna an neih hnuah leh ITLF te laka legal action kalpui a an vau tukah thehluh a ni.
ITLF hi June 9, 2022 khan Kuki Inpi Churachandpur (KIC) te chuan Tuibong khuaah Chuachandpur district a tribe hrang hrangte inhmukhawma din a ni a. Kuki Inpi mai bakah Paite Tribe Council (PTC), Simte Tribe Council, Vaiphei People’s Council leh Mizo People’s Convention hruaitute pawh an tel vek a. Pagin Haokip. KIC executive member chu ITLF chairman niin Tombing, PTC chu secretary a ni a. ITLF dina nih theih nana pawimawh em em bawk leh thupuangtu ni bawk chu Ginza Vualzong a ni.
ITLF dina nih hma kum hnih kala velah Vualzong hian Zo family te Kuki-Zomi of Manipur, Mizos of Mizoram, Chins of Myanmar leh Chin-Kukis of Bangladesh te chanchin zirchiana history dik lo tihdik a nih theihna turin Research & Preservation of the Zo Identities (RPZI) a din a. RPZI te hian Chief Minister hnenah Churachadpur district a Tonzang a Chivu-Chandrakirti Park a Chivu stone a thil inziak dik lo Meiting king Chandrakirti in Mizo chief te pali hneha 1871-72 a khua 112 tukzal anga inziah chu siamtha turin an ngen nghal.
-- Advertisement --
‘War on drugs’
Chivu controversy hi Manipur sorkar chuan ‘war on drugs 2.0’ a kalpuiin a chhunzawm zat a, hei bakah hian Manipur sorkar chuan reserve forests (RFs) leh protected forests (PFs) te dankalha luahtu nawrchhuah a kalpui bawk a, Kuki-Zomi mipui te chu ‘narco-terrorists’ a ti bawk.
Meitei pawl inzawmkhawm Coordinationg Committee on Manipur Integrity te chuan Kuki-Zomi pawlte chu tun hma atang tawha seperate administration, independence state emaw ram emaw ngiat tawh an ni an ti ve thung a. Chu chu Zo homeland tia, Manipur a Kuki-Zomi te chenna siam an tum leh Mizorama Mizo National Front te pawhin an thlawp atangin a lang chiang a ni an ti bawk a.
ITLF te hian May 3 a ethnic crisis thlen hnuah department paruk an siam tawh a, an tum ber chu Kuki-Zomi-Hmar-Mizo-tribal communitites thatna tur ngaihsak leh ngaihtuah a ni tiin Tombing chuan sawiin ‘seperate admiistration’ an puan pawh Manipur atanga inlakhran tihlam aiah Constitution of India hnuaia ‘self-rule’ nih tumna zawk a ti bawk.
“Kan chi leh kuang tam tak thahin an awm tawh a, meitei tamna Imphal Valley atanga umchhuahin kan awm tawh a, illegal immigrants min tihkhum a. Meitei pawlte hian kan lakah indona an puang a, Biren Singh sorkar hi kan ring ngam lo. Kan inenkawlna ve theih nan self-governance kan mamawha chu chu mamawh chhanna awm chhun a ni” tiin Vualzong chuan a sawi.