TN sorkarin bill te pawm nawn leh ngat

Tamil Nadu chuan Chief Minister M.K. Stalin an Governor R.N. Ravi an bill 10 a pawm tura an thawn remtihna a pek duhloh a thawnlet leh chu a pawm tura thawn leh tura tihna resolution a putluh chu a pawm a. Resolution pawm a nih lai hian AIADMK leh BJP member te chu House chhungah an awm lo thung.
Heng bill 10 zinga pahnih hi AIADMK hunlai 15th Assembly laia pawm tawh niin a dang pariat te chu 16th Assembly in a pawm ni thungin Governor pawmpui tura thawn a ni.
Stalin chuan Governor chu State tana tha lo zawnga hnathawktu tia sawiin all-round development awm thei tur a duh lo tiin a sawi a.
“Governor hian Bill hun rei tak a thutchilh a, November 13, 2023 khan engmah a chhan sawi lovin Bill a thawn let a, remtihna ka pe duh lo a ti a ni. Assembly chuan remtihna pek duh lova bill te pawmlohna a chhan leh vang a sawi bawk si lo chu pawm theihah a ngai lo” tiin Chief Minister chuan Assembly special session neihnaah a sawi.
Stalin chuan State Assembly in Bill a pawm tawh te pawm duh loh chu ‘dan kalh, anti-people, chhiat leh tha hriatna kalh leh Assembly sovereignty kalh a ni’ a ti bawk a.
Stalin chuan Governor zawk chuan State hmasawnna atana tanpuitu niiin a thiltihtheihna pawh Centre hnenah State tan project fund te hmuh theih nana hmangin, Madurai a AIIMS dinna tur building sakna tur te, Tamil Nadu hnena GST amount la pek loh pek theih ang te railway project thar neih theih nan te a hmang tur a ni a ti bawk a.
Stalin chuan Tamil Nadu Governor chu State sorkar leh Centre inkar palai a ni tur a ni a. “Mahse, chung techu engmah ti lovin, nitinin State sorkar scheme te tan hasratna tur a ruahmanin harsatna a siam char char zawk a ni” tiin a sawi bawk.
Stalin chuan Governor chuan sorkar nena inbakkaihna tur lam hlir a ngaihtuah tia sawiin chu chu Constitution kalh a ni a ti bawk a. “Sorkar chuan President hnenah Governor chu zilh turin ngenna kan siam tawh a. State MP te pawhin President hmuin ngenna an siam tawh a. Supreme Court hnenah pawh kan zualko tawh” tiin a sawi bawk.
DMK sorkar chu mipuite hmasawnna tur duha kal a ni a, scheme tam tak hmangin mipuite rilru hneh tuma hma la a ni a ti bawk a.
Stalin chuan Governor chuan ni tinin Raj Bhavan-ah mi tu tu te emaw a kokhawm renga class an la thin a ni a ti bawk a. “Lesson dik lo a zirtir a ni” a ti bawk.
Chief Minister chuan Governor in function hrang hranga hun a hman chu a dodal loh thu a sawi bawk a. “mahse, tul lo takin a ngaihdan a thehdarh a. Government policy te public platform ah sawi leh sawifiahna a siam te chu Governor tiha mawi lo a ni” tiin Chief Minister chuan a sawi bawk.
Governor hian Tamil Nadu mipui tena Dravidianism, socialism, social justice, rationalism leh self-respect idea an ngaihsan leh vawn nun te chu a teithei lo a ti bawk a. Ravi hian Tamil culture, literature leh social order kalhin ngaihdan a sawi fo a ti bawk.
Chief Minister chuan Governor chuan mitin t erhiat turin Assembly emaw Bill emaw chauh ni lo idea of social justice nen inmil lohna an neih a sawi ti bawkin, “hei vang hian harsatna a siam a ni” a ti bawk.
Stalin chuan ‘kan dinna chiang takin Governor hnenah kan hriattir tawh a, neutral te chuan Governor chuan Tamil Nadu hmasawnna a tei thei lovah an ngai a ni’ a ti bawk.
Stalin chuan Governor chetlak dana Supreme Court in thlirdan a neih chu Assembly tana chakna hmasa ber a ni a ti bawk a. “Court a kan inkhin mek laiin Governor chuan BIll te a rawn thawn let a, remtihna pe duh loa lo thawn letin harsatna a siam zui zel a ni” a ti bawk.
Constitution chuan mipui te thlan Assembly chu thuneihna tawp neiin Assembly pawhin article 200 of the Constitution hmangin Bill te siam danglam lovin governor pawm turin a passed a, Governor chuan a lo chai khawtlai tur a ni lo a ti bawk a.
Stalin chuan Governor post chu nuaibo mai tur a ni a, democracy ah chuan kal zel se kan duh a nih chuan zah tur a ni a ti bawk a.
BJP sorkar chu Governor te hmanga non-BJP rorelna state a harsatna siamah a puh bawk a. Stalin chaun Governor chuan Bill te chu Supreme Court in a khak hnuah a pelet duh chauh a ni a ti bawk a.
“A hriat leh duh a ti mai a. Keini chuan Constitution kan zui thung a. house member te governor in remtihna a pek duh loh te hi ngaithuaha pawm leh turin ka ngen che u a ni” tiin Chief Minister chuan House ah a sawi a ni.