J-Hope leh Suga te solo documentary tlangzarh dawn
BTS member pahnih J-Hope leh Suga te documentary chu June ni 17 hian khawvel hmun hrang hranga cinema hall-ah an chhuah tan dawn ta. “J-Hope IN THE BOX’ tih leh ‘SUGA: Road to D-Day’ tih te an ni a, heng documentary pahnih an tlangzarh tur hi an group kum 10 tlin champha nen a innang tawk vel chiah chiah hle a ni.
BTS member te hian solo project hrang hrang neiin, member thenkhat sipaiah an tang bawk nen, tunah chuan group angin thawm an nei tawh rih lo a, solo lamah erawh an thawm a reh tak tak hman lo thung a, he documentary-ah pawh hian an chanchin, J-Hope leh Suga te zinkawng hrang hrang an tilang dawn a, June ni 17-a tlangzarh tur niin, cinema hall ticket erawh May ni 16 atangin an hralh chhuak tan dawn thung a ni.
IN THE BOX-ah hian J-Hope-a’n a solo album hmasa ber ‘Jack in the Box’ a buaipui dan vel an tarlang dawn a, 2022 Lollapalooza performance leh Jack In The Box listening party te pawh an tilang dawn a ni.
Suga film-ah pawh hian BTS rapper hi a solo album hmanni lawka a tlangzarh ‘D-Day’ a buaipui dan vel tarlan a ni dawn a, musician te nena an an sawiho lai te, a hla phuah dan vel te pawh tarlan a ni ang.
J-Hope leh Suga te solo documentary tlangzarh dawn
Get real time updates directly on you device, subscribe now.