K-Pop group zinga Billboard Artist 100 chart-a No.1 thei 7-na SEVENTEEN

K-Pop group zinga Billboard Artist 100 chart-a No.1 thei 7-na SEVENTEEN
SEVENTEEN chu Billboard Artist 100 chart-ah No.1 an ni a, he chart-a kar khat chhunga US-a zaithiamte lardan tehna a ni. SEVENTEEN hian an EP thar, an mini album 10-na ni bawk FML hralh that zar an zo a, he chart-a K-pop group No.1 ni thei pasarihna a ni ta a, he chart-ah hian K-pop group dang BTS (kar 21), BLACKPINK, Stray Kids (kar hnih ve ve), SuperM, TOMORROW X TOGETHER leh TWICE (vawi khat ve ve) an No.1 tawh bawk a ni.
Member 13 awmna SEVENTEEN hi kumin bikah he chart-a K-pop act No.1 ni thei pathumna an ni bawk a, kumin February thla khan TOMORROW X TOGETHER chu No.1 niin, April thlaah Jimin a No.1 tawh bawk.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat-a an album leh hla hralh tam dan te, streaming leh radio airplay te chu tehna pawimawh a ni.
SEVENTEEN hian an album thar ‘FML’ chu kar khat chhunga 1,35,000 hralhin Billboard 200 (albums) chart-ah No.2 an kai a, he album-a an hla Hot 100 chart-a lang thei an nei nual bawk a, hei hian Artist 100 chart-ah pawh a vawrh sang ta a ni.
Hetihrual hian May ni 1-a kum 84 mi ni a thi, Gordon Lightfoot chu top 10-ah lang pha lovin No.14-ah a debut. Gordon Lightfoot hi a thih hnuah a hla hlui, 1970s vela lo lar tawh te chu a lar thar leh a, chung zingah chuan ‘If You Could Read My Mind’, ‘Carefree Highway’ leh ‘Sundown’ te pawh a tel.
Artist 100 Top 10:
1 SEVENTEEN
2 Morgan Wallen
3 Taylor Swift
4 Luke Combs
5 SZA
6 Drake
7 The Weeknd
8 Peso Pluma
9 Miley Cyrus
10 Ed Sheeran