Jack Harlow ‘Lovin on Me’ a Hot ber

Jack Harlow hla hit ‘Lovin on Me’ chu kar khat chhunga US-a hla lar ber niin, Billboard Hot 100 (singles) chart-ah a No.1 a, he chart-ah hian a zawn ni kher lovin he hla hi kar nga a No.1 tling ta. He hla hi nikum December khan a vawi khat nan a No.1 a, January, 202-ah kar hnih No.1 leh tawh bawk a ni. Hetihrual hian Benson Boone ‘Beautiful Things’ chu top 5 a kai a, Luke Combs leh Miley Cyrus te pawhin Grammy Awards zar zoin, chart top 10-ah an lang thar ve leh ta bawk.
Billboard Hot 100 chart hi kar khat chhunga US-a hla lar an tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Jack Harlow ‘Lovin on Me’ hian kar khat chhungin stream maktaduai 23.2 leh download sales 6,000 neiin, radio airplay-ah pawh ngaithlatu maktaduai 76.7 a nei thei a, hei hi chart-ah No.2 atangin No.1 a kaipui leh ta a ni.
Teddy Swims ‘Lose Control’ pawh No.4 atangin No.2-ah a invawrh a, he chart-a Teddy Swims thlen sân ber a la ni a, Benson Boone ‘Beautiful Things’ chu No.8 atangin No.3-ah a invawrh a, he chart-a Benson Boone top 5-ah a lan vawi khatna a ni.
Chart No.1 hlui Taylor Swift ‘Cruel Summer’ chu No.3 atangin No.4-ah a tawlh a, SZA ‘Snooze’ chu No.10 atangin No.5-ah a invawrh a, chart No.1 hlui Zach Bryan ‘I Remember Everything’ featuring Kacey Musgraves chu No.6-ah bawk a la awm a, Tate McRae ‘Greedy’ chu No.5 atangin No.7-ah a tawlh ve ta bawk.
Grammy Awards sem zar zo, he award semnaa hla an perform te hralh an kal thar leh a, Luke Combs-a’n Tracy Chapman hla hlui a cover ‘Fast Car’ stream maktaduai 13.6, sales 17,000 leh radio airplay ngaithlatu maktaduai 39.4 a tling a, chart No.20 atangin No.8-ah a invawrh thar leh ta a, Doja Cat ‘Agora Hills’ chu No.7 atangin No.9-ah a tawlh ve thung.
Chart No.1 hlui Miley Cyrus ‘Flowers’ pawhin stream maktaduai 11.3, sales 26,000 leh radio airplay ngaithlatu maktaduai 33 nei lehin, chart No.32 atangin No.10-ah a invawrh thar ve leh ta bawk.