Jack Harlow ‘Lovin on Me’ a la HOT ber

On Feb 22, 2024 12 0

Jack Harlow hla hit ‘Lovin on Me’ chu Billboard Hot 100 (singles) chart-ah a No.1 a, he chart-ah hian a zawn ni kher lovin kar ruk a No.1 tling ta. Hetihrual hian Beyonce leh Ye & Ty Dolla Sign te pawh chart top 3-ah an debut.
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Jack Harlow ‘Lovin on Me’ hi stream maktaduai 21.6 leh download sales 5,000 bakah radio airplay-ah ngaithlatu maktaduai 77.8 a la nei thei a, hei hi chart-ah a No.1 pui leh ta a ni. He hla hi nikum December khan a vawi khat nan a No.1 tan a, heti hian a zawn ni lovin kar ruk a No.1 tling ta a ni.
Beyonce hla thar “Texas Hold ‘Em” pawhin stream maktaduai 19.2 leh download sales 39,000 bakah radio airplay-ah ngaithlatu maktaduai 4.9 neiin, chart No.2-ah a debut. He hla hi Hot Country Songs chart-ah pawh No.1 a kai a, Beyonce hla Country Songs chart-a No.1 kai thei hmasa ber a ni. He hla hi country radio lamah pawh an promote chak hle a ni. “Texas Hold ‘Em” hi Beyonce hla Hot 100 chart top 10-a lang thei 22-na a ni.
Kanye West leh Ty Dolla Sign ‘Carnival’ pawhin stream maktaduai 23.5 leh download sales 4,000 neiin chart No.3-ah a debut a, Ye tan he chart top 10-a lang thei hla 21 a neihna niin, Ty Dolla Sign tan a pathumna a ni ve tung.
Benson Boone ‘Beautiful Things’ chu No.3 atangin No.4-ah a tawlh a, Teddy Swims ‘Lose Control’ pawh No.2 atangin No.5-ah a tawlh a, chart No.1 hlui Taylor Swift ‘Crue; Summer’ chu No.4 atangin No.6-ah a tawlh ta bawk. Chart No.1 hlui tho, SZA ‘Snooze’ chu No.5 atangin No.7-ah a tawlh ta bawk.
Chart No.1 hlui Zach Bryan ‘I Remember Everything’ featuring Kacey Musgraves chu No.6 atangin No.8-ah a tawlh a, Tate McRae ‘Greedy’ chu No.7 atangin No.9-ah a tawlh ve ta bawk.
Top 10 khartu chu Noah Kahan ‘Stick Season’ niin, stream maktaduai 17.8, sales 2,000 leh radio airplay maktaduai 15.9 tlingin, No.11 atangin No.10 a kai ta bawk.