Jail-ah kum tling lo an awm leh awm loh enfiah

Aizawla jail pathumah Jail Inspection Team-in kum tling lo an awm leh awm loh a thlithlai.
Thawhtanni khan Jail Inspection Team Aizawl hian Aizawl District Jail, Women Central Jail leh Central Jail an tlawh a, hetah hian naupang jail-a khung an nih leh nih loh an enfiah a ni.
Aizawl District Jail-ah hian naupang nia insawi pahnih hmuhchhuah an ni a, documentary proof an neih loh avangin an chungchang hi enzui tum a ni.
Central Jail for Women-ah a thil tihsual laia kum tling lo, 2023 February atanga awm tawh pakhat a awm a, man a nih lai hian kum tling angin a insawi a, a chhungte hnenah documentary proof dil tum a ni. Central Jail-ah kum tling lo khung an awm lo.
Jail Inspection Team hi Aizawl Juvenile Justice Board chairperson Laltlansangi Fanai chuan a ho a, JJB member-te leh member dang an kal a ni. Jail inspection hi thla thum dana neih ziah thin a ni.