Japan-ah Sindhu tlo lo leh !!

On Jul 27, 2023 14 0

Japan-ah Sindhu tlo lo leh !!
Nilaini khan Tokyo khawpuia Japan Open hmeichhe singles first round paltlang zo loin double Olympic medallist PV Sindhu a tla leh tawh a, ti hian, kumin chhunga BWF World Tour event tum 13 a khelhah vawisarih ngawt round hmasaber a paltlang zo lo tling ta!
Sindhu hi minute 32 lek chhungin Zhang Yi Man of China lakah 12-21, 13-21-in a tlawm a; first round a paltlang zawh loh mawlh mawlh hnu hian badminton hmeichhe world ranking lamah pawh world champion hi a tlahniam rawih rawih tawh a, tunah hian world No. 17 a ni duai tawh!
Tunhnai khan Sindhu hian coach langsar tham Muhammad Hafiz Ha-shim a ruai thar a, 2003 All-England champion hnuaiah hian ngai rawn awh chhoh leh a inbeisei laiin amahah hmasawnna hmuh tur a la awm thei lo a, kumin May thla Malaysian Open quarter-final match pakhata a hneh hnu world number 18 Zhang-i lakah a tlawm zui leh ta a, ti hian, Chinese laka a head-to-head record chu vawi-thum chak, vawihnih tlawm (3-2) a ni.
Sindhu talbuai a kal tluan zel lai hian chetha mar tluang lai doubles pair Satwiksairaj Ran-kireddy leh Chirag Shetty inkawp chuan Indonesian pair Leo Rolly Carnando leh Daniel Marthin laka 21-16, 11-21, 21-13 hnehna changin second round an lut thung.
Seeded third ni chunga inlan Satwik leh Chirag hian Pathianni mai khan Korean Open title hlawhchhuakin, Tokyo khaw tournament second round-ah Denmark pair Jeppe Bay leh Lasse Molhede an tum leh ang.
BWF Super 750 tournament kal lai mipa singles lamah tunhnai ranking thara hma sawn Lakshya Sen pawhin 21-15, 12-21, 24-22-a a chipui Priyanshu Raja-wat hnehin, second round lamah Kanta Tsuneyama of Japan a tum leh dawn a ni.
Men’s singles first round inkhel dangah Indian player Mithun Manjunath erawh Weng Hong Yang of China lakah 21-13, 22-24, 18-21-in a tlawm thung a, he match hian darkar khat leh minute 25 lai a awh.August ni 5 khian pre-season friendly-ah mualneitu Bournemouth an infiampui dawn a; August ni 13-a league season bul an tanna inkhelah champion lai Paris St-Germain an luhkhung ang.