Japanese coast guard officer-in dead hang record a siam

Japanese coast guard officer-in dead hang record a siam
Japan coast guard officer, Kenta Adachi, kum 35, chuan Guinness World Record, dead hang tirei thei ber record a siam a, darkar khat leh minute 20 leh second 41 a dead hang thei. Dead hang hi chunglama bar khamah an kut pahnihin an uai a, ke lei si lovin, che lovin an uai ngar ngar mai a ni.
A hmaah dead hang tirei thei record chu Norwegian pakhatin 2020-a a siam niin, minute 16 leh second 3 a dead hang thei a, he record hi a rawn khum chiang hle a ni.
Adachi hi record siamah a mikhual tawh bik lo vam March ni 4, 2022 khan chawl lo va pull-up tihnem thei record a lo siam tawh a, chawl lovin pull up vawi 651 a ti thei a ni. Issue hmasa lama tarlan tawh angin pull up hi exercise lak dan hahthlak zet mai a ni a, chunglama bar khamah an kut pahnihin an uai a, ke lei tawk lovin, an kiu tithlepin an uai chho a, an khabe chu bar chungah an dak chhuak a, chumi hnuah an kiu timarin an uai thla leh thin a ni.
Kenta hi kum 19 mi niin coast guard-ah a lut a, chutih laiin fitness test-ah pull-up vawi 12 chiah a ti thei. Coast guard-a a tan hnuah fitness lamah tui tharin, tunah chuan Guinness World Record a siam thei ta hial a ni.