Jeep brand ambassador thar Hrithik Roshan

American SUV siamtu hriathlawh tak Jeep brand ambassador a nih thar bakah Hrithik Roshan chuan 2024 Jeep Wrangler Rubicon thar a garage-ah a hun belh ve keh ta.
Jeep India chuan an brand ambassador atan Bollywood star Hrithik Roshan an hman thar thu an puang a, ani pawhin Rubicon a nei thar ve nghal bawk. Rubicon hi India-a Wrangler kan lo hmuh thinah pawh a off-road-focused lehzual a ni a, chutih rualin on-road friendly tak a ni tho a, India-ah chuan showroom-ah Rs 71,65,000 man a ni.
Wrangler Rubicon hian 2.0-litre four-cylinder turbo-petrol engine neiin, 8-speed automatic gearbox a nei a, four-wheel drive niin, differential lock system leh low range a thuam niin, kawng bumboh leh hmun chhengchhe tak takah pawh talbuai mai mai lo tura duan a ni a, chutih rualin khawpui chhunga han theuleu vel nan zahpuiawm loh tak a ni to bawk.
A chhunga 12.3-inch central touchscreen, electric-adjust front seat, reverse camera, electronic stability control, hill-start leh ill-descent, tyre pressure monitoring system leh Advanced Driver Assistance System te pawh a nei.