Jessie J hnute cancer
British singer Jessie J, kum 37, chuan hnute cancer a nei tih an hrechhuak a, June ni 15-a Summertime Ball, London-a a perform zawhah an zai dawn tih an puang.
‘Price Tag’ leh ‘Bang Bang’ hla it puitu Jessie J hi tun kumtir atang khan test chi hrang hrang tiin a buai zak zak a, April thla khan hnute cancer a nei tih an hrechhuak ta tih nimin khan a puang.
Jessie J chuan Instagram-ah a natna chungchang hi puangin, “Hnute cancer intan tir lam ka nei tih kan hrechhuak. Cancer a nih tawh hi chuan a eng chi pawh ni se ngaih a ngam thei lo, mahse, ‘a tan tir lam’ an tih hian min thlamuan ve deuh,” a ti.
June ni 15 a neih tur Summertime Ball 2025, London-ah a perform phawt ang a, chumi hnuah a inzai dawn a, “Hnute an khawih danglam dan duhawm lo tak chu a ni dawn. Summertime Ball zawhah ka inzai dawn avangin ka thawm a reh ve deuh vang vang a, hnute lian tha tawk leh music thar nen ka rawn kir leh ang,” a ti bawk.
Jessie hian basketball player Chanan Safir Colman nen fapa, kum hnih mi, Sky a nei tawh a, a hnute cancer chungchang hi a tirah han puanzar mai a hreh ve ni a sawiin, chhan eng eng emaw avangin puanzar a thlang leh ta zawk niin a sawi.
Jessie J hnute cancer
Get real time updates directly on you device, subscribe now.