Sawrkar laipuiin thingtlang khaw chhungtinte tui thianghlim connection pek vek tuma hma a lakna – Jal Jeevan Mission hnuaiah Mizorama khaw 263 hnenah tui connection pek a ni tawh a, khaw 465 hmabak la awmin, he scheme hi kumin December-ah Mizoram bikah chuan zawh tum a ni.
JJM chungchang hi Assembly Session-ah zawhna chhan a ni bawk a. PHE changtu deputy chief minister Tawnluia sawi danin, sawrkar laipui chuan JJM scheme hi kum 2024 thleng kalpui turin ti mah se, Mizoram chuan hma a lak chak avangin kumina zo hman turin a ti.
JJM scheme hmanga nizung chakna hmanga tui thianghlim pump hi khaw 11 ah kalpui tawhin, solar pump hmang hian khaw 175 tui pek tum a ni. Hman kim vek theih hunah nitin litre maktaduai 10.2 pump theih tum a ni.
JJM hnuaia mimal ina tui connection peknaah GI pipe nilo, plastic pipe hman chu a tha loa, a chhiatin siam leh a harsat avangin GI pipe a thlak leh theih a ni angem, tiin Congress member C Ngunlianchunga chuan a zawt a. Deputy CM chuan central-in thelret pipe hi hman theih a ni a, duh chuan hmang tura a tih avanga hmang an ni tih sawiin, “Thelret pipe kan hman hi a lakna kalkawngah niloin khawchhungah tui pekna atan hman a ni. A rintlak thawkhat chuan kan hria. Chutianga iai turah kan ngai lo,” a ti.
JJM hnuaiah tui pek hmabak khaw 465
Get real time updates directly on you device, subscribe now.
Prev Post
Next Post