J&K in vote an thlak ta

Jammu & Kashmir chuan nimin khan Article 370 hnuaia dah an nih hnua a hmasa ber atan assembly election thawhkhatna an nei a, zing dar 7 atanga tlai dar 6 thleng mipuiten vote an thlak a ni.
Election commission chuan nimina vote thlak zat hi 58.85 percent vel an nih thu sawiin, boruak muanawm tak hnuaiah vote thlak a nih thu an sawi a, nimina vote thlak thawhkhatna kalpuina hmun hi Pulwama, Shopian, Kulgam, Kishtwar, Anantnag, Ramban leh Doda assembly constituency an ni.
Congress leader Ghulam Ahmed Mir chuan, “Boruak muanawm tak hnuaia vote thlak chu lawmawm a tih thu leh, he UT tluchhe mek siamtha tura mipuite pawhin an mi duh ngei, an duhthlanna thiang tak hmanga an vote a beisei thu sawiin, sorkar siam zelna kawngah pawh democracy ze dik tak a lan zel a beisei tlat thu a sawi.