Party lian BSP in ‘One Nation One Election’ an thlawp

Bahujan Samaj Party (BSP) chief Mayawati chuan nimin khan Union Cabinet in a lo pawm tawh ‘One Nation One Election’ chu an party pawhin lungrual taka an thlawp a nih thu a sawi.
‘One Nation One Election’ hi union cabinet chuan hman tura lo pawm tawhin, high-level committee a ngaihtuah leh tur a ni a, he committee-ah hian president hlui Ram Nath Kovind chu chairman ni lai a ni bawk.
Mayawati chuan X ah a tarlanin, Kan party chu hemi chungchangah hian kan lungrual thap a, union cabinet thutluknaah hian kan hmin tlang hle. Lok Sabha leh State assembly mai bakah, tualchhung inthlan hrang hrangah pawh ‘One Nation, One Election’ hi hman thuai ni thei se kan duh a, kan ram tan hian chanchin lawmawm a nih thuai kan beisei a ni, a ti.
He thil hi high level committee chuan an lo pawm fel leh a nih pawhin, President of India Droupadi Murmu remtihna lak leh phawt bakah, a hnena an thehluh leh a ngai dawn a ni.