US President Joe Biden chuan June 27 a Donald Trump nena presidential debate an neihah khan a che tha lo tih a pawm thu sawiin mahse a hma lawka ram pawna tum hnih a zin avanga jet lag a neih vang a nih thu a sawi.
Karkaltaa Doonald Trump nena CNN headquarter a debate an neihah Joe Biden chu nasa tak sawisel niin Democrats thenkhatte pawhin presidential race atanga inhnukdawk mai turin an ngen hial a ni.
Mahse McLean, Virginia a camapign event a thusawina a neihah Biden chuan Trump nena an debate ah khan a chetha lo tih a pawm thu a sawi a.
“Ka tan zan tha a ni hauh lo. a nihna takah chuan ka che smart vak lo a ni” tiin Biden chuan a sawi a. “Debate hma khan khawvel hmun hrang hrangah ka zinkual a, time zone hrang hrang 100 chuang ka paltlang a ni” a ti bawk a.
“Ka staff te thurawn ka ngaithla lo va, ka lo let leha stage ah khan ka muthlu lo chauh” tia sawiin, “Chu chu chhuanlam chu a ni hauh lovang a, mahse, ka sawifiah a nih chu” tiin a sawi.
Biden hian thla kalta khan tum hnih lai France leh Italy tlawhin a zinchhuak a. Zan lamah thlawkin Bari, Itali a Group of Seven meeting ah a tel a, a hnu lawkah June 15 ah Los Angeles ah President hlui Barack Obama nena fundraising neihnaah an tel dun leh hnuah a tukah Washington a pan leh a ni.
Chumi hnuah Camp David ah ni ruk hun hmangin June 27 debate atan khan a inpuahchah a ni. White House chuan debate a Biden chetthat tawk lohna chu hritlang a neih vang an ti a. Mahse, Biden hian a damloh thu a sawi lo thung.
Reuters/Ipos poll thar berah chuan Democrats pathum zela pakhat chuan Biden chu presidential race atangin inhukdawk se an duh an ti a, mahse, Trump khing tur chuan Democrat zingah Biden aia tha tur an hre chuang lo tho thung.
Chumai bakah Trump leh Biden te chuan registered voter 40% vel la nei ve ve in Biden chuan tun dinhmunah November 5 a inthlan turah amah thlawptute a hloh lem chuang lo tia sawi a ni bawk.
Joe Biden-an insawifiahna nei
Get real time updates directly on you device, subscribe now.
Prev Post
Next Post