Viktor Orban leh Zelensky inhmu

Hungarian Prime Minister Viktor Orban chuan Ukrainian President Volodymyr Zelesnky chu inkahhai ngaihtuah nawn tura ngenin leh Russia nena indona chu tihtawp dan chak zawka ngaihtuah ngai tiin chumai bakah Kyiv nena thawhhona tha zawk neih a duh thu a sawi bawk.
Orban hi Ukraine hnena Western military aid pek sawisel tu langsar tak niin EU leader zinga Russian President Vladimir Putin nena inzawmna nei tha ber a ni bawk a. Kum sawm chuang hnuah Kyiv tlawhin Zelensky nena inbiakna an nei a ni.
Inbiakna neih hnuah thuchhuah intawm siamin Orban chuan Kyiv in Zelesnky an June thlaa Switzerland summit neihnaa inremna a awm theih nana ruahmanna a siam te chu a thlawp thu a sawi a. International peace summit chu kumin kum tawp lamah neih leh tur a ni bawk.
“President hnenah engtiangin nge remna a awm theih nan hma kan lak ang a, chumi ur chuan inkahhai a awm hmasak a ngai ani ka ti a ni” tiin Orban chuan a sawi a.
“Inkahhai bituk hun siam ni se chu chuan peace talks a tichak dawn a ni. Chumi chungchang chu President Zelensky ka sawipui a, tha taka a ngaihdan min hrilh avangin ka lawm a ni” tiin Orban chuan a sawi.
Oraban thusawi hmaa thusawitu Zelesnky chuan Orban thusawi chu chhanna emaw a siam zui lo thung.
Ukrainian leader foreign policy adviser Ihor Zhovkva chuan a hnuah tun hi inkahhai a awm theih nana ruahmanna hmasa ber a ni lo va, Zelesnky chuan vantlang hriata a ngaihdan a lo sawi tawh te chu Orban hnenah hian a hrilh leh a ni a ti.
Hetihlai hian Kyiv official te chuan inkahhai awm hlek chu Russia chuan insiamthat nana hmangin naa leh zauzawka Ukraine beih nana remchangah a hmang thei an ti ve thung.
A hnuah reporter te hnenah Zelenskyi chuan Ukraine leh Hungary te chuan inzawmna tha zawk an nei thei tia sawiin Orban nena kan sawi dunnah pawh ram pahnih tena inzawmna tha zawk kan neih theihna tur lam hlir a ni a ti a. Orban pawhin Hungary chuan Ukraine economy modernisation lamah puih an inhuam tiin a sawi bawk.
Ram pahnih inalichinna hi Russia in February 24, 2022 a Ukraine a run hnuah a chhe hman hle a, Budapest chuan European Union in Kyiv a thlawpna tura ruahmanna a siamte a dodal tlat bawk a.
Orban hi Khawthlang ram te titheiloutu niin Putin thiantha ni bawkin nikum October pawh khan Putin nen inhmuhna an nei a. Hungary chuan Ukraine chu a ram khawthlang lama Hungarians 150,000 te rights rahbehsakah a puh bawk.
Chutihlaiin Ukraine chuan Hungary chu a be chhe thei chuang lo va, EU member 27 te thlawpna mamawh a ni a, EU member zingah thil tam takah member pakhat pawhin a duh loh chuan hmalak ngaihna a awm loh avangin Hungary chu mausam theih a ni lo.
Orban hian European Council presidency inchhawk a chelh mek lai niin, “Hungarian presidency in a tum ber chu European Union in harsatna a neihte chinfel a ni a. Chuvang chuan a nia Kyiv ka tlawh ni” tiin Orban chuan Kyiv a thlen hnuah Facebook post a siam zui a ni.
Ukraine chuan European member nih a duh bawk a, karkalta khan Brussels summit neihnaah membership talks hmasa ber neih niin mahse Ukraine tan EU member ni turin harsatna tam tak a la paltlang a ngai dawn thung.
Nikum khan Orban chuan Putin hnenah Hungary chuan Russia a hnial duh ngai lo tiin a hrilh a. Kum 2024 kum tir lamah EU in Ukraine hnena 50 billion euros pek an tumna chu a veto hmak bawk.
Ukraine chuan Budapest in western Ukraine a hungarian tawng hmang te rights a rahbehsak tia puhna chu an hnawl thu an sawi ve thung a.
Kyiv hian kum 2017 khan school tinah kum 10 chunglam te chuan Ukrainian language an zir tur a ni tih dan a siam a, chu chu Hungary chuan ethnic Hungarian minority rights namnulna angah a ngaihsak a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More