Julie Chavez Rodriguez : Joe Biden an Campaign Manager tura a hual nia sawi
US president Joe Biden chuan inthlanah chuh leh tumin hma la mekin Thawhlehni khan President a chuh leh tur thu sawiin campaign a neih leh turah hotu thar ruat mai tur a nei sa reng tawha ngaih a ni.
Senior White House adviser Julie Chavez Rodriguez kum 45 a upa chu president’s 2024 campaign manager atan hman a ni dawn tiin US media te chuan an sawi.
Kum 80-a upa Biden chuan candidate nih a tum thu a a puan chian tak hnuah a campaign manager tura sawi chuan ngaihven a hlawh hle thung a. Mipui nawlpui tena an hriat lar em em a ni lo chungin pawimawhna thuk tak nei a ni thung.
Chhungkaw lar tak ni thin
Rodriguez hi labour leader lar tak thin Cesar Chavez leh labour activist Helen Fabela Chavez te tunu a ni.
Cesar Chavez kha Mexican-American civil-right acivist niin kum 1960 leh 1970 chhova farm worker te dinhmun chawi kan nana sulsutu pawimawh niin organised labour leh leftist cricles te icon a ni bawk.
Biden an president nihnaa chelh ni khatnaah khan Oval Office a a dawhkanah Chavez a lem (awma chin chunglam a lema siam) a dah ngat a. Hei hi Chavez fapa Paul an a hawhtir a ni nghe nhge.
Thla kalta khan First Lady Jill Biden leh Rodriguez te chuan White House Rose Garden-ah Cesar Chavez Rose hriatrenga tur an phun bawk.
Naupang te nih laiin man a ni tawh
Naupang te a nih laiin Rodriguez hi activist a ni tawh tia sawi a ni a. Caliorania Central Valley a seilian niin University of California, berkelay a lehkha zir niin naupang te a nih laiin a puin farm labour te dinhmun that nana a beihna chu chhunzawmin chet a la thin.
New York Times chuan Rodriguez chu tum khat loacl supermarket kawta pesticide hlauhawmzia fliers a sem avanga man a nih thu ziak langin chutihlai chuan kum kua leka upa a ni a ti.
“Naupangte ka nih laiin hetiang thil hi kan seilenpui a, chu chu skill set ang leh ethos angin kan thanlenpui a ni” tiin kum 2020 khan Bustle magazine hnenah a sawi.
Obama tana thawk
Kum 1962 a Cesar Chavez an United Farm Workers Union a din hnua an auhla ber chu “Si se puede” tih niin chu chu English chuan “Yes we can” tihna a ni a. He phrase hi kum 2008 presidential campaign laia Barack Obama an inthlan auhla bera a neih leh hman a ni.
A pu hming chawia dina programme director kum riat a nih hnuah Rodriguez chuan Obama administration laiin Washington politics a luhchilh tan a.
US Department of Interior ah bul tanin chu mi hnuah White House’s office of publice engagement ah thawk lehin a hnuah President Obama special assitant a ni zui leh a ni.
Kamala Harris nena inzawmna nei tha
Obama chauh chu top Democrat Rodriguez in a thawhpui a ni lo. Kum 2016 khan California a US Senate inthlan atana Kamala Harris campaign nana state director a ni bawk a.
Kum 2020 a Harris in president nih a tum khan Rodriguez chu campaign’s national political director niin a hnuah travelling chief of staff a ni zui bawk. Harris hi Biden hriselna tlahniam nia sawi zelin Democrats tena amah thlak thei tur bera an chhawpchhuah ni mek chu a ni bawk.
White House ah Latina
Rodriguez hian kum 2020 atang khan Joe Biden a pui tawh a. A hmasa berah Latino voter te huo tura hmalaknaa senior adviser niin a hnuah director of the White House’s office of intergovernmental affairs atana ruat a ni.
Kum 2022 midterm hma khan senior adviser to the president atana ruat niin White House building a highest-ranking Latina a ni zui bawk.
Biden campaign manager atan hian Rodriguez hi kum 2020 campaign a Joe Biden president thlana hlawhtlinpuitu Jen O’Malley aiah mai bakah Biden farnu ngei Valerie Biden Owens ai pawha thlan zawk a ni.